ଯୌତୁକରେ କାର୍ ନ ମିଳିବାରୁ ତିନ୍ ତଲାକ୍ ଦେଲା ସ୍ୱାମୀ,୩ ମାସର ଗର୍ଭବତୀ ଥିବା ଜାଣି ମଧ୍ୟ ଶ୍ୱଶୁର ଏବଂ ନଣଦେଇ କଲେ ଦୁଷ୍କର୍ମ
ମେରଠ : ଉତ୍ତରପ୍ରଦେଶରର ମେରଠ ଜିଲ୍ଲାରୁ ଏକ ତିନ୍ ତଲାକର ମାମଲା ସାମ୍ନାକୁ ଆସିଛି । ଯୌତୁକରେ ୨ଲକ୍ଷ ଟଙ୍କା ଏବଂ କାର୍ ନ ମିଳିବାରୁ ସ୍ୱାମୀ ତିନି ଥର ତଲାକ୍ କହି ତିନ୍ ତଲାକ୍ ଦେଇଥିବା ଜଣାପଡ଼ିଛି । ଖାଲି ସେତିକି ନୁହେଁ, ଯୌତୁକ ଲୋଭରେ ସଂପର୍କର ସୀମା ଭୁଲି ଶ୍ୱଶୁର ଏବଂ ନଣଦେଇ ପୀଡ଼ିତାଙ୍କ ସହ ଦୁଷ୍କର୍ମ କରିଥିବା ପୁଲିସ ଆଗରେ ଅଭିଯୋଗ କରିଛନ୍ତି ପୀଡ଼ିତା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ତିନି ବର୍ଷ ପୂର୍ବେ ଖର୍ଖୌଦା ଅଞ୍ଚଳରେ ରହୁଥିବା ମହିଳାଙ୍କ ବିବାହ ଦିଲ୍ଲୀ ନିବାସୀ ରିଜ୍ଓ୍ଵାନଙ୍କ ସହ ହୋଇଥିଲା । ବିବାହ ସମୟରେ କାର୍ ମଗା ଯାଇଥିବା ବେଳେ କନ୍ୟାପକ୍ଷ ବାଇକ୍ ଦେଇଥିବାରୁ ରାଗି ଯାଇଥିଲେ ରିଜ୍ଓ୍ଵାନ । ବିବାହ ପରେ ପରେ ସେ ପୀଡ଼ିତାଙ୍କୁ ମାଡ଼ ମାରିବା ସହ ବାପ ଘରୁ କାର୍ ଏବଂ ୨ଲକ୍ଷ ଟଙ୍କା ଆଣିବା ପାଇଁ କହି ଆସୁଥିଲେ । ବିବାହର ବର୍ଷେ ପରେ ପୀଡ଼ିତା ଜଣେ ଶିଶୁ କନ୍ୟାକୁ ଜନ୍ମ ହେବା ପରେ ତାଙ୍କ ପ୍ରତି ଅତ୍ୟାଚାର ବଢ଼ି ଯାଇଥିଲା । କାମରେ ରିଜଓ୍ଵାନ ବାହାରକୁ ଯାଇଥିବା ବେଳେ ପୀଡ଼ିତାଙ୍କୁ ଖାଇବାକୁ ନ ଦେଇ ରଖାଯିବା ସହ ତାଙ୍କ ଶ୍ୱଶୁର ଏବଂ ନଣଦେଇ ତାଙ୍କ ସହ ଦୁଷ୍କର୍ମ କରିଥିଲେ । ୩ମାସର ଗର୍ଭବତୀ ଅଛି ବୋଲି କହି ପୀଡ଼ିତା ଗୁହାରି କରିଥିଲେ ମଧ୍ୟ କିଛି ନ ଶୁଣି ଦୁଷ୍କର୍ମ କରିଥିଲେ ନଣଦେଇ । ପୀଡ଼ିତାଙ୍କ ସ୍ୱାମୀ ଘରକୁ ଫେରିବା ପରେ ସବୁ ଘଟଣା ବିଷୟରେ ଜଣାଇଥିଲେ ପୀଡ଼ିତା । କିନ୍ତୁ ସବୁ ଜାଣି ରିଜ୍ଓ୍ଵାନ ତାଙ୍କୁ ମାଡ଼ ମାରିବା ସହ ତିନ୍ ତଲାକ ଦେଇଥିଲେ । ଏତେ ସବୁ ସହିବା ପରେ ଥାନାରେ ଏତଲା ଦେଇଥିଲେ ପୀଡ଼ିତା । ଏତଲା ପାଇ ଅଭିଯୁକ୍ତମାନଙ୍କୁ ଏବେ ଖୋଜିବା ଆରମ୍ଭ କରିଛି ପୁଲିସ । ପୀଡ଼ିତାଙ୍କୁ ନିଶ୍ଚୟ ନ୍ୟାୟ ମିଳିବ ବୋଲି ପୁଲିସ ପ୍ରତିଶ୍ରୁତି ଦେଇଥିବା ଜଣା ପଡ଼ିଛି ।