୨ ଲୁଟେରା ଗିରଫ

0 44

ବନେଶ୍ୱର ପଳାସୁଣୀ ବସଷ୍ଟାଣ୍ଡ ନିକଟରୁ ଲୁଟ୍‌ପାଟ ଉଦ୍ୟମ ଘଟଣାରେ ଗତକାଲି ମଞ୍ଚେଶ୍ୱର ଥାନା ପୁଲିସ ଅଟକ ରଖିଥିବା ୨ ଲୁଟେରାଙ୍କୁ ଆଜି କୋର୍ଟ ଚାଲାଣ କରିଛି। ସେମାନେ ହେଲେ, କଟକ ଜିଲ୍ଲା ନିଆଳି ଅଞ୍ଚଳର ଶଶିକାନ୍ତ ବେଉରା(୨୯) ଓ ବିବ୍ୟଜ୍ୟୋତି ସ୍ୱାଇଁ(୨୮)। ପୁଲିସ ସୂଚନା ମୁତାବକ, ସୋମବାର ରାତି ପ୍ରାୟ ସାଢ଼େ ୧୦ଟାରେ କୁନୁସ୍ୱର୍ଣ୍ଣ କର ନାମକ ଜଣେ ଯୁବକ ପଳାସୁଣୀସ୍ଥିତ ବସଷ୍ଟାଣ୍ଡରେ ଠିଆ ହୋଇଥିବା ସମୟରେ ହଠାତ୍‌ ଲୁଟେରାଦ୍ୱୟ ତାଙ୍କ ମୋବାଇଲ ଛଡ଼ାଇ ଧାଇଁଥିଲେ। ତେବେ କୁନୁ ପାଟି କରିବାରୁ ସେଠାରେ ଥିବା ଲୋକମାନେ ଉଭୟଙ୍କୁ କାବୁ କରିଥିଲେ। ଉଭୟ ଘଟଣାସ୍ଥଳରୁ ଖସିଯିବାକୁ ଉଦ୍ୟମ କରିଥିଲେ ମଧ୍ୟ ଲୋକଙ୍କ କବଳରୁ ଖସି ପାରି ନଥିଲେ। ଲୋକମାନେ ତାକୁ ନିସ୍ତୁକ ମାଡ଼ ମାରିବା ସହ ପୁଲିସକୁ ଫୋନ କରି ଘଟଣା ବିଷୟରେ ଜଣାଇଥିଲେ। ମଞ୍ଚେଶ୍ୱର ଥାନା ପୁଲିସ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ଥାନାକୁ ନେଇଥିଲା।

ସମ୍ବନ୍ଧିତ ଖବର

Leave A Reply

Your email address will not be published.