ପିନ୍ଧିଥିବା ପଗଡ଼ି ଖସାଇ ଦେବାରୁ ଯୁବକଙ୍କୁ ଛୁରୀ ଭୁସି ହତ୍ୟା କଲେ ନାବାଳକ
ଲୁଧିଆନା : ଲୁଧିଆନାରେ ଜଣେ ନାବାଳକ ୨୭ବର୍ଷୀୟ ଯୁବକଙ୍କୁ ଛୁରୀ ଭୁସି ହତ୍ୟା କରିବା ଘଟଣା ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି । ନାବାଳକଜଣଙ୍କ ପିନ୍ଧିଥିବା ପଗଡ଼ିକୁ ମୃତକ ଖସାଇଦେବାରୁ ଏଭଳି ପଦକ୍ଷେପ ନେଇଥିଲା ଅଭିଯୁକ୍ତ । ଘଟଣାଟି ଶନିବାର ମୁଲାନପର ଦଖାରେ ଘଟିଥିବା ସାମ୍ନାକୁ ଆସିଛି । ମୃତକଙ୍କ ନାଁ ସନ୍ଦିପ ବୋଲି ଜଣା ପଡ଼ିଥିବା ବେଳେ ଅଭିଯୁକ୍ତର ମନି ସିଂହ ବୋଲି ଜଣା ପଡ଼ିଛି । ଏ ଘଟଣା ପରେ ମନି ସିଂହଙ୍କୁ ଗିରଫ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ମୃତକଙ୍କ ବାପାଙ୍କ କହିବା ଅନୁଯାୟୀ, ଘଟଣା ବିଷୟରେ ସୂଚନା ମିଳିବା ପରେ ମୁଁ ସନ୍ଦିପକୁ ନେଇ ମୁଲାନପୁରର ସରକାରୀ ଡ଼ାକ୍ତରଖାନାରେ ଭର୍ତ୍ତି କରିଥିଲି । ଏହା ପରେ ପରେ ତାକୁ ଲୁଧିଆନାର ଡ଼ାକ୍ତରଖାନାକୁ ପଠା ଯାଇଥିଲେ ମଧ୍ୟ ଡ଼ାକ୍ତର ସେଠାରେ ତାକୁ ମୃତ ଘୋଷଣା କରିଥିଲେ । ତେବେ ପ୍ରାଥମିକ ତଦନ୍ତରୁ ସାମ୍ନାକୁ ଆସିଥିବା କାରଣକୁ ନେଇ ସନ୍ତୁଷ୍ଟ ନଥିବାରୁ ହତ୍ୟା ପଛର ପ୍ରକୃତ କାରଣ ଖୋଜିବାରେ ଲାଗି ପଡ଼ିଛି ପୁଲିସ ।