ଚଣ୍ଡିଗଡ଼: ଲୁଧିଆନା ନିକଟରେ ଥିବା ଅହମଦଗଡ଼ରେ ଘଟିଛି ଏକ ଅଭାବନୀୟ ଘଟଣା । ଜଣେ ୮୦ ବର୍ଷୀୟ ବୃଦ୍ଧ ଘରର ଚାକରାଣି ସହ ଦୁଷ୍କର୍ମ କରି ଫେରାର ହୋଇ ଯାଇଥିବା ଅଭିଯୋଗ ହୋଇଛି । ଅଭିଯୁକ୍ତଙ୍କ ଏହି କାମରେ ତା’ଙ୍କର ଜଣେ ସାଙ୍ଗ ମଧ୍ୟ ସାମିଲ ଥିବା ଜଣା ପଡ଼ିଛି । ଅଭିଯୁକ୍ତ ଜଣଙ୍କ ଜୋରା ସିଂ ବୋଲି ଚିହ୍ନଟ କରାଯାଇଥିବା ବେଳେ ସେ କାନାଡ଼ାରେ ରହୁଥିବା ଜଣା ପଡ଼ିଛି । ଦୁଷ୍କର୍ମର ଶିକାର ହେବା ପରେ ପୀଡ଼ିତା ଜଣଙ୍କ ଦେହଲା ପୁଲିସ ଷ୍ଟେସନରେ ଏ ନେଇ ଅଭିଯୋଗ କରିବା ପରେ ଅଭିଯୁକ୍ତଙ୍କୁ ଖୋଜିବା ଆରମ୍ଭ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମଙ୍ଗଳବାର କାନାଡ଼ାରୁ ଭାରତ ଆସିଥିବା ଜୋରା ସିଂ ଘରର କାମ କରିବା ପାଇଁ ପୀଡ଼ିତାଙ୍କୁ ଫୋନ କରି ଡ଼ାକିଥିଲେ । ପୀଡ଼ିତା ଜଣଙ୍କ କାମ ମିଳିବା ଖୁସିରେ ବସ ଯୋଜେ ଅହଦଦ୍ଗଡ଼ରେ ଆସି ପହଞ୍ଚିଥିଲେ । ଅଭିଯୁକ୍ତ ଜୋରା ସିଂ ପୀଡ଼ିତାଙ୍କୁ ବସ ଷ୍ଟାଣ୍ଡରୁ ନିଜ କାରରେ ବସାଇ ରହୁଥିବା ଘରକୁ ଆଣିଥିଲେ । ତା’ଙ୍କୁ ରହିବା ପାଇଁ ଏକ ସ୍ୱତନ୍ତ୍ର ଘର ଦିଆଯିବ ବୋଲି ଜୋରା ସିଂ କହିବା ସହ ତାଙ୍କୁ ଘରେ ନେଇ ପହଞ୍ଚାଇଥିଲେ । ଘରେ ପହଞ୍ଚି ପୀଡ଼ିତା ଜଣଙ୍କ ଜୋରାଙ୍କ ରୁମ୍ ସଫା କରୁଥିବା ବେଳେ ଜୋରାଙ୍କ ଜଣେ ସାଙ୍ଗ ଆସି ସେଠାରେ ପହଞ୍ଚିଥିଲେ । ଦୁଇ ଜଣ ନିଶା ସେବନ କରିବା ସହ ପୀଡ଼ିତାଙ୍କୁ ରୁମ୍ ଭିତରେ ବନ୍ଦ କରି ତା’ଙ୍କ ସହ ଦୁଷ୍କର୍ମ କରିଥିଲେ । ଦୁଇ ଜଣ ଥର ଥର କରି ପୀଡ଼ିତାଙ୍କ ସହ ଦୁଷ୍କର୍ମ କରିଥିବା ବେଳେ ବହୁତ କଷ୍ଟରେ ପୀଡ଼ିତା ଜଣଙ୍କ ସେଠାରୁ ମୁକୁଳି ପାରିଥିଲେ । ଜୋରାଙ୍କ ଘରୁ ବାହାରି ସେ ସିଧା ଦେହଲା ପୁଲିସ ଷ୍ଟେସନ ଯାଇ ନିଜ ସହ ହୋଇଥିବା ଦୁଷ୍କର୍ମର ଅଭିଯୋଗ କରିଥିଲେ । ହେଲେ, ପୁଲିସ ତଦନ୍ତ ପାଇଁ ଜୋରାଙ୍କ ଘରେ ପହଞ୍ଚିବା ବେଳକୁ ସେ ସେଠାରୁ ଫେରାର ହୋଇ ସାରିଥିଲେ ।