ଆଇପିଏସ୍ ଅଫିସର ବୋଲି ପରିଚୟ ଦେଇ ମହିଳାଙ୍କୁ ଚାକିରି ଦେବାର ପ୍ରତିଶ୍ରୁତି ଦେଇଥିଲେ ଯୁବକ, ଗିରଫ କଲା ଦିଲ୍ଲୀ ପୁଲିସ
ନୂଆଦିଲ୍ଲୀ : ଆଇପିଏସ୍ ଅଫିସର ବୋଲି କହି ମହିଳାଙ୍କୁ ଠକିଥିବାରୁ ରବିବାର ଦିଲ୍ଲୀ ପୁଲିସ ଜଣେ ଯୁବକଙ୍କୁ ଗିରଫ କରିଛି । ଯୁବକଙ୍କ ନାଁ ରାଜ୍ ମଲହୋତ୍ରା ବୋଲି ଜଣା ପଡ଼ିଥିବା ବେଳେ ସେ ମହିଳାଙ୍କୁ ଚାକିରି ଦେବେ ବୋଲି କହି ତାଙ୍କୁ ଠକିଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଭିଯୁକ୍ତ ରାଜ୍ ପୀଡ଼ିତାଙ୍କୁ ଜିମ୍ରେ ଦେଖା ହେବା ପରେ ନିଜେ ଜଣେ ଆଇପିଏସ୍ ଅଫିସର ବୋଲି କହି ପରିଚୟ ଦେଇଥିଲେ । ଉତ୍ତର ଦିଲ୍ଲୀରେ ମୁତୟନ ଥିବା କହି ପୀଡ଼ିତାଙ୍କୁ ଚାକିରି ଦେବେ ବୋଲି ପ୍ରତିଶ୍ରୁତି ଦେଇଥିଲେ । ଏହା ସହ ପୀଡ଼ିତାଙ୍କୁ ବିଶ୍ୱାସ ଦେବା ପାଇଁ ସେ ନକଲି ଫେସ୍ବୁକ୍ ଆକାଉଣ୍ଟ ତିଆରି କରିବା ସହ ଆଇପିଏସ୍ ପୋଷାକ ପିନ୍ଧିଥିବା ଫଟୋ ରଖିଥିଲେ । ଯାହା ପାଇଁ ପୀଡ଼ିତା ରାଜ୍ଙ୍କ ଜାଲରେ ଫସି ଯାଇଥିଲେ । କିନ୍ତୁ ସବୁ ସତ ସାମ୍ନାକୁ ଆସିବା ପରେ ପୀଡ଼ିତା ପୁଲିସରେ ଅଭିଯୋଗ କରିଥିଲେ, ଯାହା ପରେ ତାଙ୍କୁ ଗିରଫ କରାଯାଇଛି । ଏହା ପ୍ରଥମ ନୁହେଁ, ଏହା ପୂର୍ବରୁ ୨୦୧୩ରେ ନିଜକୁ ସବ୍-ଇନ୍ସ୍ପେକ୍ଟର ବୋଲି କହି ରାଜ୍ ଗିରଫ ହୋଇ ତିହାର ଜେଲ୍ରେ ରହିଥିବା ସାମ୍ନାକୁ ଆସିଛି ।