ଅତିଥି ଭାବେ ରହି ହୋଟେଲ୍ ରୁମ୍ରେ ସ୍ପାଏ କ୍ୟାମେରା ଖଞ୍ଜିଲେ, ସେହି ରୁମ୍ ଭଡା ନେଉଥିବା ଦମ୍ପତିଙ୍କ ଅନ୍ତରଙ୍ଗ ଦୃଶ୍ୟର ଭିଡିଓ ବନାଇ ବିକ୍ରି କଲେ
ନୂଆଦିଲ୍ଲୀ: ହୋଟେଲ ରୁମ୍ରେ କ୍ୟାମେରା ଲଗାଇ ଅଶ୍ଲୀଳ ଭିଡ଼ିଓ ରେକର୍ଡ଼ କରିବା କିଛି ନୂଆ କଥା ନୁହେଁ। ଏଭଳି ବହୁ ଘଟଣା ଆଗରୁ ଘଟି ସାରିଥିବା ବେଳେ ଏ ନେଇ ସଚେତନ ରହିବା ପାଇଁ ହୋଟେଲ ଯାଉଥିବା ସବୁ ଲୋକମାନଙ୍କୁ କୁହା ଯାଇସାରିଛି । ଏତେ ସବୁ ସଚେତନତା ସତ୍ତ୍ୱେ ଚୀନରେ ଏକ ଏଭଳି ଘଟଣା ଘଟିଛି ଯାହା ପ୍ରସାର ହେବା ପରେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
Sambad is now on WhatsApp
Join and get latest news updates delivered to you via WhatsApp
ଗତ ମାର୍ଚ୍ଚ ମାସରେ ଦୁଇଟି ରୁମ୍ ବୁକ୍ କରିଥିବା ଚାଇନିଜ୍ ଯୁବକ ଜଣଙ୍କ ହୋଟେଲ ରୁମ୍ ଭିତରେ ସ୍ପାଏ କ୍ୟାମ୍ ଲଗାଇ ଦମ୍ପତିମାନଙ୍କର ଅନ୍ତରଙ୍ଗ ମୂହୁର୍ତ୍ତକୁ ରେକର୍ଡ଼ କରୁଥିବା ଖବର ଏବେ ସମସ୍ତଙ୍କୁ ଅଶ୍ଚର୍ଯ୍ୟ କରିଛି । ସୂଚନା ମୁତାବକ, ଅଭିଯୁକ୍ତ ଜଣଙ୍କ ହୋଟେଲ ଆସି ଦୁଇଟି ରୁମ୍ ବୁକ୍ କରିଥିଲେ । ରୁମ୍ରେ କିଛି ଦିନ ରହିବା ଭିତରେ ସେ ଦୁଇଟି ରୁମ୍ରେ ଦୁଇଟି ସ୍ପାଏ କ୍ୟାମେରା ଲଗାଇଥିଲେ । ହୋଟେଲରୁ ଚେକ୍ ଆଉଟ୍ କରିବା ପରେ ଆଉ ଯେଉଁ ଦମ୍ପତି ସେ ରୁମ୍କୁ ରହିବାକୁ ଆସିଥିଲେ ସେମାନଙ୍କର ଅନ୍ତରଙ୍ଗ ଦୃଶ୍ୟର ଭିଡ଼ିଓ ବନାଇ ବିକ୍ରି କରିବା ସହ ଟଙ୍କା ଆୟ କରୁଥିଲା ଅଭିଯୁକ୍ତ । କିଛି ଦିନ ତଳେ ଜଣେ ଦମ୍ପତି ସେ ରୁମ୍କୁ ରହିବା ପାଇଁ ଆସିଥିବା ବେଳେ ରୁମ୍ ଛାତରେ ଏକ କଣା ଥିବା ଦେଖିଥିଲେ । ଏହି କଣାକୁ ଦମ୍ପତି ଭଲ ଭାବରେ ଦେଖିବା ପରେ ଭିତରେ କ୍ୟାମେରା ଥିବା ଜାଣି ପାରିଥିଲେ । ଏ ନେଇ ପୁଲିସକୁ ଖବର ଦିଆଯିବା ପରେ ପ୍ରକୃତ ସତ ସାମ୍ନାକୁ ଆସିଥିଲା । କ୍ୟାମେରାକୁ ରିମୋଟ୍ ମାଧ୍ୟମରେ ଅପରେଟ୍ କରାଯାଉଥିବାରୁ ଏହାକୁ ଲଗାଇଥିବା ଅଭିଯୁକ୍ତକୁ କୌଣସି ଅସୁବିଧା ହୋଇ ନଥିଲା । ଏ ନେଇ ହୋଟେଲ କର୍ତ୍ତୃପକ୍ଷଙ୍କୁ ପଚାଯିବା ପରେ ମାର୍ଚ୍ଚ ମାସରେ ଜଣେ ଯୁବକ ଏହି ଦୁଇଟି ରୁମ୍ ବୁକ୍ କରିଥିଲେ ଏବଂ ସେ ହିଁ ଏପରି କରିଥିବେ ବୋଲି ହୋଟେଲ ତରଫରୁ କୁହାଯାଇଥିଲା ।
ଏହା ଶୁଣି ଯୁବକଙ୍କ ଠିକଣା ନେଇ ତାଙ୍କ ଘରେ ଚଢ଼ଉ କରିବା ପରେ ୩ ଟେରାବାଇଟ୍ର ଭିଡ଼ିଓ ଜବତ କରିଥିଲା ପୁଲିସ । ଏହା ସହ ଅଭିଯୁକ୍ତ ଜଣଙ୍କ ଏହି ଭିଡ଼ିଓକୁ ଅନ୍ଲାଇନ୍ ବିକ୍ରି କରି ଟଙ୍କା ମଧ୍ୟ ଆୟ କରୁଥିଲେ ବୋଲି ଜାଣିବାକୁ ପାଇଥିଲା ପୁଲିସ । ସବୁ ସତ ବାହାରକୁ ଆସିବା ପରେ ଅଭିଯୁକ୍ତ ବିରୋଧରେ ମାମଲା ରୁଜୁ କରି ଖୋଜିବା ଆରମ୍ଭ କରିଛି ପୁଲିସ ।