ବରାଦ ଖାଦ୍ୟ କ୍ୟାନ୍‌ସେଲ୍‌ କରିବାକୁ ଟୋଲ୍‌ ଫ୍ରି ନମ୍ବରକୁ ଡାଏଲ୍‌ କରି ୪ ଲକ୍ଷ ଟଙ୍କା ହରାଇଲେ ଗ୍ରାହକ

ଲକ୍ଷ୍ମୌ: ବୁଧବାର ଦିନ ଗୋମତି ନଗର ଅଞ୍ଚଳର ବିରାଟ ଖଣ୍ଡରେ ଖାଦ୍ୟ ଡେଲିଭରି ଆପ୍‌ ଯୋଗେ ଦିଆଯାଇଥିବା ବରାଦକୁ କ୍ୟାନ୍‌ସେଲ୍‌ କରିବାକୁ ଟୋଲ୍‌ ଫ୍ରି ନମ୍ବର ବ୍ୟବହାର କରିଥିବା ଜଣେ ବ୍ୟକ୍ତି ଠକାମିର ସରବ୍ୟ ହୋଇ ୪ ଲକ୍ଷ ଟଙ୍କା ହରାଇଛନ୍ତି।

ଜଣାପଡ଼ିଲା ଯେ ସେ ଟୋଲ୍‌ ଫ୍ରି ନମ୍ବରଟି ଜାଲ୍‌।

ଠକାମିର ସରବ୍ୟ ହୋଇଥିବା ବ୍ୟକ୍ତିଜଣକ କହିଛନ୍ତି, ସେ ଏକ ଫୁଡ୍‌ ଡେଲିଭରି ଆପ୍‌ ଯୋଗେ ଖାଦ୍ୟ ବରାଦ ଦେଇଥିଲେ, କିନ୍ତୁ ଆଶାନୁସାରେ କମ୍ପାନି ଖାଦ୍ୟ ଡେଲିଭରି ନ କରିବାରୁ ସେ ଇଣ୍ଟର୍‌ନେଟ୍‌ରେ କଷ୍ଟମର୍‌ କେୟାର୍‌ ନମ୍ବର ଖୋଜିଥିଲେ।

ଯେଉଁ ବ୍ୟକ୍ତି ତାଙ୍କୁ ଫୋନ୍‌ ଧରିଲେ ସେ ନିଜକୁ କମ୍ପାନିର ପ୍ରତିନିଧି ବୋଲି କହିଲେ। ଏଥର ସେ ତାଙ୍କୁ ଗୋଟାଏ ଆପ୍‌ ଇନ୍‌ଷ୍ଟଲ୍‌ କରିବାକୁ କହିବା ସହ ତାଙ୍କ ସେଭିଙ୍ଗ୍‌ ଆକାଉଣ୍ଟ୍‌ ଲଗ୍‌ଇନ୍‌ କରିବାକୁ କହିଥିଲେ।

ସେ ତାଙ୍କର ବ୍ୟାଙ୍କ୍‌ ବିବରଣୀ ଆପ୍‌ରେ ଏଣ୍ଟ୍ରି କରିବା କ୍ଷଣି ତାଙ୍କୁ ଗୋଟାଏ ଓ୍ଵାନ୍‌-ଟାଇମ୍‌ ପାସ୍‌ଓ୍ଵାର୍ଡ ମିଳିଲା। ଅର୍ଥ ଫେରସ୍ତ ପାଇବାକୁ ଓଟିପି ଏଣ୍ଟ୍ରି କରିବାକୁ ସେ ବ୍ୟକ୍ତିଟି ତାଙ୍କୁ କହିଲେ। ତାହାକୁ ଏଣ୍ଟ୍ରି କରିବା ମାତ୍ରେ ତାଙ୍କ ବ୍ୟାଙ୍କ୍‌ ଆକାଉଣ୍ଟରୁ ୪ ଲକ୍ଷ ଟଙ୍କା ଡେବିଟ୍‌ ହୋଇଗଲା।

ଗୋମତିନଗର ପୁଲିସ ସାଇବର୍‌ ସେଲ୍‌ ସହାୟତାରେ ଅପରାଧୀକୁ ଠାବ କରିବାକୁ ଉଦ୍ୟମ ଚଳାଇଛି।