ଖେଳରେ ହାରିଯିବାରୁ ପଡ଼ୋଶୀଙ୍କୁ ଛୁରା ମାରି ହତ୍ୟା କଲା ଯୁବକ
ମୁମ୍ବାଇ : ଶନିବାର ଦକ୍ଷିଣ ମୁମ୍ବାଇରେ ଘଟିଛି ଏକ ଦୁଃଖଦାୟକ ଘଟଣା । ୟୁଏନ୍ଓ କାର୍ଡ଼ ଖେଳକୁ ନେଇ ସମାନ୍ୟ ବଚସା ହେବାରୁ ନିଜ ପଡ଼ୋଶୀକୁ ହତ୍ୟା କରିଛି ୨୨ବର୍ଷିୟ ଯୁବକ । ଅଭିଯୁକ୍ତ ଜଣଙ୍କ ନୁର୍ ମହମ୍ମଦ୍ ମନ୍ସୁରୀ(୨୨)ବୋଲି ଜଣା ପଡ଼ିଥିବା ବେଳେ ମୃତକ ଜଣଙ୍କ ଅବୁଜାର୍ ଅନ୍ସାରୀ(୨୪)ବୋଲି ଚିହ୍ନଟ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆକ୍ରମଣର ତୁରନ୍ତ ପରେ ଅବୁଜାର୍ଙ୍କୁ ଡ଼ାକ୍ତରଖାନା ନିଆ ଯାଇଥିଲେ ମଧ୍ୟ ଡ଼ାକ୍ତରଖାନା ପହଞ୍ଚିବା ପୂର୍ବରୁ ତାଙ୍କର ମୃତ୍ୟୁ ହୋଇଥିଲା ବୋଲି ଜଣା ପଡ଼ିଛି । ସୂଚନା ମୁତାବକ, ଅନ୍ସାରୀ ସବୁଦିନ କାମରୁ ଫେରି ନିଜର ୫୦ ବର୍ଷିୟ ମା’ଙ୍କ ସହ ସମୟ ବିତାଇବା ସହ ନିଜ ପଡ଼ୋଶୀଙ୍କ ସହ କାର୍ଡ଼ ଖେଳି ଥାଆନ୍ତି । ଶନିବାର ସନ୍ଧ୍ୟା ୬.୧୫ ସମୟରେ ସେ କାମରୁ ଫେରିବା ପରେ କାର୍ଡ଼ ଖେଳିବା ପାଇଁ ତାଙ୍କ ପଡ଼ୋଶୀ ନୁର୍ ମହମ୍ମଦ୍ ମନ୍ସୁରୀଙ୍କୁ ଡ଼ାକିଥିଲେ । ଦୁହେଁ ଖେଳିବାର କିଛି ସମୟ ପରେ ତମେ ଠକିକି ଜିତିଲ ବୋଲି କହି ନୁର୍ ମହମ୍ମନ୍ ମନ୍ସୁରୀ ପାଟି କରି ଉଠିଥିଲେ ।
ଅନ୍ୟ ପକ୍ଷରେ ଅନ୍ସାରୀ ନୁର୍ ମହମ୍ମଦ୍ ମନ୍ସୁରୀଙ୍କ ବ୍ୟବହାର ଦେଖି ଜୋର୍ରେ ହସିବାକୁ ଲାଗିବାରୁ ରାଗିଯାଇ ନୁର୍ ମହମ୍ମଦ୍ ମନ୍ସୁରୀ ନିଜ ପକେଟରୁ ଛୁରୀ ବାହାର କରି ଅନ୍ସାରୀଙ୍କ ମୁଣ୍ଡ, ଛାତି, କାନ୍ଧ ଏବଂ ପିଠିରେ ଛୁରାମାଡ଼ କରିଥିଲେ । ପ୍ରତ୍ୟକ୍ଷଦର୍ଶୀମାନେ ଅନ୍ସାରୀଙ୍କୁ ରକ୍ତାକ୍ତ ଅବସ୍ଥାରେ ଦେଖି ତାଙ୍କୁ ତୁରନ୍ତ ଡ଼କ୍ତରଖାନା ଦେଇଥିଲେ । କିନ୍ତୁ ଡ଼ାକ୍ତରଖାନା ପହଞ୍ଚିବା ପୂର୍ବରୁ ଅନ୍ସାରୀଙ୍କ ମୃତ୍ୟୁ ହୋଇ ସାରିଥିଲା । ପୁଅର ମୃତ୍ୟୁ ଖବର ପାଇବା ପରେ ଅନ୍ସାରୀଙ୍କ ମା ଆୟେଶା ଅନ୍ସାରୀ ଅଗ୍ରୀପଡ଼ା ପୁଲିସକୁ ଏ ବିଷୟରେ ଜଣାଇଥିଲେ । ଆୟେଶାଙ୍କ ଠାରୁ ଅଭିଯୋଗ ଗ୍ରହଣ କରିବାର ଦୁଇ ଘଣ୍ଟା ମଧ୍ୟରେ ନୁର୍ ମହମ୍ମଦ୍ଙ୍କୁ ଗିରଫ କରିଥିଲା ପୁଲିସ ।