ନୂଆଦିଲ୍ଲୀ: ଅଲ୍ ଇଣ୍ଡିଆ ରେଡିଓ(ଆକାଶବାଣୀ)ର କିଛି ମହିଳା ଯୌନ ଶୋଷଣର ଶିକାର ହୋଇଥିବା ରିପୋର୍ଟ ପ୍ରକାଶ ପାଇବା ପରେ ମହିଳା ଓ ଶିଶୁ ବିକାଶ ମନ୍ତ୍ରୀ ମାନେକା ଗାନ୍ଧୀ ଏ ନେଇ ଚିନ୍ତା ପ୍ରକଟ କରିଛନ୍ତି। ମାନେକା ଗାନ୍ଧୀ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ରାଜ୍ୟବର୍ଦ୍ଧନ ସିଂହ ରାଠୋରଙ୍କ ନିକଟକୁ ଏ ନେଇ ଏକ ଚିଠି ଲେଖିଛନ୍ତି।
Sambad is now on WhatsApp
Join and get latest news updates delivered to you via WhatsApp
ତାଙ୍କ ଚିଠିରେ ମାନେକା ଏହା ସୁନିଶ୍ଚିତ କରିବା ପାଇଁ ରାଠୋରଙ୍କୁ କହିଛନ୍ତି କି ଅକାଶବାଣୀର ମହିଳାମାନଙ୍କ ସହ ହେଉଥିବା ଯୌନ ନିର୍ଯାତନା ମାମଲାର ତଦନ୍ତ କରିବା ପାଇଁ ସମ୍ବେଦନଶୀଳ ଓ ଉଚିତ ପ୍ରକ୍ରିୟା ନିର୍ଣ୍ଣୟ କରାଯାଉ।
ଆକାଶବାଣୀରେ ସାମୟିକ ଘୋଷିକା ଭାବେ କାର୍ଯ୍ୟ କରୁଥିବା କିଛି ମହିଳା ଯୌନ ନିର୍ଯାତନାର ଶିକାର ହେଉଥିବା ଅଭିଯୋଗ ଆସିବା ପରେ ମହିଳା ଓ ଶିଶୁ ବିକାଶ ମନ୍ତ୍ରାଳୟ ପକ୍ଷରୁ ଏହି ଚିଠି ପ୍ରେରଣ କରାଯାଇଛି।
ଉଲ୍ଲେଖଯୋଗ୍ୟ, ପୂର୍ବରୁ ମଧ୍ୟ #ମିଠୁ ଅଭିଯାନ ଜରିଆରେ ଦେଶରେ ରହିଥିବା ଆକାଶବାଣୀର ବିଭିନ୍ନ ଶାଖାରେ ଯୌନ ନିର୍ଯାତନା ମାମଲାର ଉଦାହରଣ ଦେଖିବାକୁ ମିଳିସାରିଛି। ଏହି #ମିଠୁ ଅଭିଯାନକୁ ନେଇ ମାନେକା ଗାନ୍ଧୀ ତତ୍ପରତା ପ୍ରକାଶ କରିଛନ୍ତି। ଏପରିକି ନିକଟରେ ସେ ବିଭିନ୍ନ ରାଜନୈତିକ ଦଳଙ୍କୁ ଯୌନ ନିର୍ଯାତନା ମାମଲାର ତଦନ୍ତ କରିବା ପାଇଁ ଆନ୍ତରୀକ୍ଷ ଅଭିଯୋଗ ସମିତି ଗଠନ ପାଇଁ ମଧ୍ୟ କହିଥିଲେ।