ଅଲଗା ହେବା ପରେ ପୁଣି ଥରେ ଫେରିବାକୁ ଚାହୁଁଥିଲା, ମନା କରିବାରୁ ପ୍ରେମିକା ଘରେ ନିଆଁ ଲଗାଇଦେଲା ପ୍ରେମିକ
ମୁମ୍ବାଇ : ମୁମ୍ବାଇର ଓସିଓ୍ଵାରାରେ ଜଣେ ପ୍ରେମିକ ରାଗରେ ନିଜ ପ୍ରେମିକାର ଘରେ ନିଆଁ ଲଗାଇ ଦେଇଥିବା ଜଣା ପଡ଼ିଛି । ଏ ନେଇ ପୀଡ଼ିତା ପୁଲିସରେ ଅଭିଯୋଗ କରିବା ପରେ ଅଭିଯୁକ୍ତ ପ୍ରେମିକ ଦୀପକ ଜୈନକୁ ଗିରଫ କରି ନେଇଛି ପୁଲିସ । ପୀଡ଼ିତା ଅଭିଯୁକ୍ତଙ୍କ ସହ ପୁଣି ଥରେ ପ୍ରେମ ସଂପର୍କରେ ରହିବାକୁ ମନା କରିବାରୁ ଦୀପକ ଏଭଳି କରିଥିବା କହିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନିଶାଗ୍ରସ୍ତ ଅବସ୍ଥାରେ ଦୀପକ ପୀଡ଼ିତାଙ୍କ ଘରକୁ ଯିବା ସହ ପୁଣି ଥରେ ପ୍ରେମ ସଂପର୍କରେ ରହିବାକୁ ପ୍ରସ୍ତାବ ଦେଇଥିଲେ । କିନ୍ତୁ ପୀଡ଼ିତା ମନା କରିବା ସହ ଘରୁ ବାହାରିଯିବା ପାଇଁ କହିଥିଲେ । ଏହା ଶୁଣି ରାଗରେ ଦୀପକ ନିଜ ପକେଟରୁ ଲାଇଟର ବାହାର କରି ଘରେ ଥିବା ସବୁ ଜିନିଷରେ ନିଆଁ ଲଗାଇବା ଆରମ୍ଭ କରିଥିଲେ । ଦୀପକଙ୍କ ଏଭଳି କାଣ୍ଡ ଦେଖି ପୀଡ଼ିତା ତୁରନ୍ତ ପୁଲିସକୁ ଡ଼କାଇବା ପରେ ପୁଲିସ ପୀଡ଼ିତାଙ୍କ ଘରେ ପହଞ୍ଚି ଦୀପକକୁ ଗିରଫ କରିଛି ।