ମୁମ୍ବାଇ: ମହାରାଷ୍ଟ୍ରର ଅହମେଦନଗର ପୁଲିସ ଷ୍ଟେସନ୍ରେ ଜଣେ ଯବାନ ନିଜ ପତ୍ନୀ ବିରୋଧରେ ଏକ ସଙ୍ଗୀନ ଅଭିଯୋଗ ଆଣିଛନ୍ତି। ଗତ ଶନିବାର ଭାରତୀୟ ସେନାର ଜଣେ ଯବାନ ନିଜ ପତ୍ନୀ ଓ ତା’ର ପ୍ରେମିକ ମିିଶି ଯୌନଉଦ୍ଦୀପକ ମଲମରେ ବିଷ ମିଶାଇ ତାଙ୍କୁ ହତ୍ୟା କରିବାକୁ ଉଦ୍ୟମ କରିଥିଲେ ବୋଲି ଅଭିଯୋଗ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଉକ୍ତ ଯବାନ ଏନେଇ ଅହମେଦନଗର ନଗର ତାଲୁକା ପୁଲିସ ଷ୍ଟେସନ୍ରେ ଅଭିଯୋଗ କରି କହିଛନ୍ତି, ‘ମୁଁ ଛୁଟିରେ ଘରକୁ ଆସିଥିଲି। ଏହି ସମୟରେ ମୋର ପତ୍ନୀ ଗୁପ୍ତାଙ୍ଗରେ ଏକ ମଲମ ଲଗାଇବାକୁ ଦେଇଥିଲା। ଏହି ମଲମଟି ଯୌନଉଦ୍ଦୀପକରେ ସହାୟକ ହୋଇଥାଏ ବୋଲି କହିଥିଲା। ପତ୍ନୀଙ୍କ କଥାରେ ମୁଁ ସେହି ମଲମ ବ୍ୟବହାର କରିଥିଲି। ମଲମକୁ ଲଗାଇବା କିଛି ସମୟ ପରେ ଗୁପ୍ତାଙ୍ଗରେ ବହୁ ଯନ୍ତ୍ରଣା ହୋଇଥିଲା ଓ ଅସୁସ୍ଥ ହୋଇପଡ଼ିଥିଲି। ପରେ ସ୍ଥାନୀୟ ଚିକିତ୍ସକଙ୍କ ସହିତ ସମ୍ପର୍କ କରି ଘଟଣା ବିଷୟରେ ଜଣାଇଥିଲି। ସେ କହିଥିଲେ ଏହି ମଲମକୁ କୌଣସି ବିଷାକ୍ତ ପଦାର୍ଥ ସହିତ ମିଶ୍ରଣ କରାଯାଇଛି, ଯାହାକି କ୍ଷତିକାରକ। ସୌଭାଗ୍ୟବଶତଃ ମୁଁ ଏଥିରୁ ବର୍ତ୍ତି ଯାଇଥିବା କଥା ଡାକ୍ତର କହିଥିଲେ। ଏହା ପରେ ମୋତେ ପତ୍ନୀ ଉପରେ ସନ୍ଦେହ ହୋଇଥିଲା।’
ଅହମେଦନଗର ନଗର ତାଲୁକା ପୁଲିସ ଷ୍ଟେସନ୍ର ସବ୍-ଇନ୍ସପେକ୍ଟର ରାଜେନ୍ଦ୍ର ପାଓ୍ଵରଙ୍କ କହିବାନୁସାରେ, ଏହି ମାମଲା ରବିବାର ଦିନ ରୁଜୁ କରାଯାଇଥିଲା। ଏବଂ ଅଭିଯୁକ୍ତ ଦ୍ୱାରା ବ୍ୟବହାର କରାଯାଇଥିବା ମଲମକୁ ଜବତ କରି ଫରେନ୍ସିକ୍ ଯାଞ୍ଚ ପାଇଁ ପଠାଯିବ। ତଦନ୍ତ ପରେ ଦୁଇ ଅଭିଯୁକ୍ତଙ୍କୁ ପଚରାଉଚରା କରାଯିବ। ଖୁବ୍ଶୀଘ୍ର ଯବାନଙ୍କ ପତ୍ନୀ ଓ ତାଙ୍କ ପ୍ରେମିକକୁ ଗିରଫ କରାଯିବ। ଯବାନଙ୍କ ପତ୍ନୀ ତାଙ୍କ ବାପଘରେ ଥିବା ପରେ ତାଙ୍କ ପ୍ରେମିକ ଫେରାର ରହିଛି ବୋଲି ପାଓ୍ଵର ସୂଚନା ଦେଇଛନ୍ତି।