ନିଠାରୀ କାଣ୍ଡ: ଅଞ୍ଜଳି ଦୁଷ୍କର୍ମ ଓ ହତ୍ୟା ମାମଲାରେ ପଣ୍ଢେର-କୋଲି ଦୋଷୀ ସାବ୍ୟସ୍ତ
ଗାଜିଆବାଦ: ଉତ୍ତର ପ୍ରଦେଶର ଗାଜିଆବାଦ ସ୍ୱତନ୍ତ୍ର ଅଦାଲତ ନିଠାରୀ କାଣ୍ଡରେ ପୂର୍ବରୁ ଦୋଷୀ ମନିନ୍ଦର ସିଂହ ପଣ୍ଢେର ଓ ସୁରେନ୍ଦ୍ର କୋଲିକୁ ୨୫ ବର୍ଷୀୟ ଅଞ୍ଜଳିଙ୍କୁ ଦୁଷ୍କର୍ମ ଓ ହତ୍ୟା ପାଇଁ ଦୋଷୀ ସାବ୍ୟସ୍ତ କରିଛି। ସ୍ୱତନ୍ତ୍ର ସିବିଆଇ କୋର୍ଟ ଅଞ୍ଜଳିଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ପଣ୍ଢେର ଓ ସୁରେନ୍ଦ୍ର କୋଲିଙ୍କୁ ଦୋଷୀ ପାଇଛି। ଏହି ମାମାଲାର ଶୁକ୍ରବାର ଶୁଣାଣି ହେବ।
Sambad is now on WhatsApp
Join and get latest news updates delivered to you via WhatsApp
ସିବିଆଇ କୋର୍ଟ ନିଠାରୀ କାଣ୍ଡର ଆଉ ଏକ ମାମଲା ମନିନ୍ଦର ଓ ସୁରେନ୍ଦ୍ରଙ୍କୁ ଦୋଷୀ ପାଇଛି, ଯେଉଁଥିରେ କି ସଜାକୁ ନେଇ ଶୁକ୍ରବାର କୋର୍ଟ ରାୟ ପ୍ରକାଶ କରିବ। ଏହି ମାମଲା ୨୫ ବର୍ଷୀୟ ଅଞ୍ଜଳିଙ୍କୁ ଦୁଷ୍କର୍ମ ଓ ହତ୍ୟା ସହିତ ଜଡ଼ିତ। ସୂଚନାଯୋଗ୍ୟ ନୋଏଡ଼ାର ବହୁଚର୍ଚ୍ଚିତ ନିଠାରୀ କାଣ୍ଡରେ ପୂର୍ବରୁ ବିଶେଷ ଅଦାଲତ ମନିନ୍ଦର ଓ ସୁରେନ୍ଦ୍ରକୁ ଦୋଷୀ ସାବ୍ୟସ୍ତ କରିଛି। ୨୦୦୭ରୁ ଏହି ମାମଲା କୋର୍ଟରେ ଚାଲୁଛି। ଓକିଲଙ୍କ କହିବା ଅନୁସାରେ ୨୫ ବର୍ଷୀୟ ଅଞ୍ଜଳି ଏଠାରେ ଚାକରାଣୀ ଥିଲେ।