ନିଜକୁ ଭାରତୀୟ ବୋଲି କହି ମାଟ୍ରିମୋନିଆଲ ସାଇଟ୍ରେ ବିବାହ ପ୍ରସ୍ତାବ ପଠାଇଲେ ପାକିସ୍ତାନୀ ଯୁବକ, ସତ ସାମ୍ନାକୁ ଆସିବା ପରେ ଦେଲେ ହତ୍ୟା ଧମକ
ମୁମ୍ବାଇ : ମୁମ୍ବାଇରେ ଦେଖିବାକୁ ମିଳିଛି ଏକ ଅଶ୍ଚର୍ଯ୍ୟ କଲା ଭଳି ଘଟଣା । ଜଣେ ପାକିସ୍ଥାନୀ ନିଜକୁ ଭାରତୀୟ ବୋଲି କହି ମହିଳାଙ୍କୁ ମାଟ୍ରିମୋନିଆଲ ସାଇଟ୍ରେ ବିବାହ ପ୍ରସ୍ତାବ ପଠାଇବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ଖାଲି ସେତିକି ନୁହେଁ ସତ ଜାଣି ମହିଳାଜଣଙ୍କ ବିବାହ ପାଇଁ ମନା କରିବାରୁ ଅଭିଯୁକ୍ତ ହତ୍ୟା ଧମକ ମଧ୍ୟ ଦେଇଥିବା ଅଭିଯୋଗ ହୋଇଛି । ସୂଚନା ମୁତାବକ, ଏକ ମାଟ୍ରିମୋନିଆଲ ସାଇଟ୍ରେ ନିଜକୁ ଭାରତୀୟ ବୋଲି ପରିଚୟ ଦେଇ ପ୍ରସ୍ତାବ ପଠାଇଥିଲେ ପାକିସ୍ତାନୀ ଯୁବକ । ଭାରତରେ ଜନ୍ମ ହୋଇଥିବା ବେଳେ ଲଣ୍ଡନରେ ଡ଼ାକ୍ତର ଥିବା ଜଣାଇ ମହିଳାଙ୍କୁ ବିବାହ ପାଇଁ ରାଜି କରାଇଥିଲେ । ଖାଲି ସେତିକି ନୁହେଁ, ନିଜ ଘର ନାଗପୁର ବୋଲି କହି କରିଥିବା ଚୁକ୍ତି ସରିବା ପରେ ମୁଁ ଭାରତ ଫେରିଯିବି ବୋଲି ମଧ୍ୟ ଯୁବକଜଣଙ୍କ ମହିଳାଙ୍କୁ ଜଣାଇଥିଲେ । କିଛି ଦିନ କଥା ହେବା ପରେ ଯୁବକଙ୍କ କଥା ବାର୍ତ୍ତାରେ ପରିବର୍ତ୍ତନ ଆସିବାରୁ ପୀଡ଼ିତା ସନ୍ଦେହ କରିବା ଆରମ୍ଭ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଏହାପରେ ସେ ଯୁବକ ଜଣଙ୍କ ଲଣ୍ଡନର ଯେଉଁ ଡ଼ାକ୍ତରଖାନାରେ କାମ କରୁଥିବା କହିଥିଲେ ସେହି ଡ଼ାକ୍ତରଖାନାକୁ ଫୋନ କରି ପଚାରିଥିଲେ । କିନ୍ତୁ ସେଠାରୁ ଯୁବକ ଜଣଙ୍କ ପାକିସ୍ତାନୀ ବୋଲି ଜଣାପଡ଼ିଥିଲା । ଏହା ସହ ଯୁବକଜଣଙ୍କ ବିବାହିତ ଓ ତାଙ୍କର ୩ଟି ସନ୍ତାନ ଅଛନ୍ତି ବୋଲି ମଧ୍ୟ ଜାଣି ପାରିଥିଲେ ମହିଳା । ସବୁ ସତ ଜାଣିବା ପରେ ପୀଡ଼ିତା ବିବାହ କରିବା ପାଇଁ ମନା କରି ଦେବାରୁ ହତ୍ୟା ଧମକ ଦେବାକୁ ଲାଗିଥିଲେ ଅଭିଯୁକ୍ତ । ଏ ନେଇ ପୀଡ଼ିତା ମୁମ୍ବାଇର ବର୍ସେଭା ପୁଲିସ ଷ୍ଟେସନରେ ଅଭିଯୋଗ କରିବା ପରେ ଯୁବକଙ୍କୁ ଖୋଜିବା ଆରମ୍ଭ କରିଛି ପୁଲିସ ।