ନିଜକୁ ମୃତ ଘୋଷଣା କରି ୧୫ ବର୍ଷ ହେବ ପୁଲିସ ଆଖିରେ ଧୂଳି ଦେଇ ବୁଳୁଥିଲା ମୋଷ୍ଟ ଓ୍ଵାଣ୍ଟେଡ ଏପରି ଧରାପଡ଼ିଲେ..
ନୂଆଦିଲ୍ଲୀ: ଦୀର୍ଘ ୧୫ ବର୍ଷ ହେବ ଦିଲ୍ଲୀ ପୁଲିସ ଆଖିରେ ଧୂଳି ଦେଇ ବୁଲୁଥିବା ମଦନକୁ ଆଜି ଦିଲ୍ଲୀ କ୍ରାଇମ ବ୍ରାଞ୍ଚ ଗିରଫ କରିଛି । ଅଭିଯୁକ୍ତ ଜଣଙ୍କ ଉତ୍ତର ପ୍ରଦେଶର ଧୁଧାଳି ଗାଁର ବାସିନ୍ଦା। ୧୯୯୯ ମସିହାରେ ଦିଲ୍ଲୀର ପଶ୍ଚିମ ବିହାର ଅଞ୍ଚଳରେ ଏକ ଘରେ ପଶି ଚୋରି କରୁଥିବା ବେଳେ ପୁଳିସ ତାକୁ ଗିରଫ କରି କୋର୍ଟ ଚାଲଣ କରିଥିଲା । ପରେ ଜମାନତରେ ଆସିବା ପରେ ସେ କୋର୍ଟରେ ହାଜିର ହେବା ବଦଳରେ ଫେରାର ହୋଇଯାଇଥିଲା । ୨୦୦୩ ମସିହାରେ ପୁଲିସ ତାକୁ ପଳାତକ ଘୋଷଣା କରିବା ସହ ଯିଏ ମଦନର ସୂଚନା ଦେବ ତାକୁ ୨୫୦୦୦ ଟଙ୍କା ପୁରସ୍କାର ଦେବ ବୋଲି ଘୋଷଣା କରିଥିଲା । ଏହା ପରେ ତା’ ପରିବାର ସଦସ୍ୟ ପୁଲିିସକୁ ମଦନର ମୃତ୍ୟୁ ଖବର ଦେଇ ମିଛ ପ୍ରମାଣ ପତ୍ର ଦାଖଲ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀ ଅତିରିକ୍ତ ପୁଲିସ କମିସନର ରାଜୀବ ରଞ୍ଜନଙ୍କ କହନ୍ତି, ଅଗଷ୍ଟ ୧୭ ତାରିଖରେ ଆମକୁ ଖବର ମିଳିଥିଲା କି ୧୫ ବର୍ଷ ପୂର୍ବରୁ ପୁଲିସ ଆଖିରେ ଧୂଳି ଦେଇ ଫେରାର ଥିବା ମଦନ ଗାଁକୁ ଆସୁଛି । ସୂଚନା ପାଇବା ପରେ ପୁଲିସ ମଦନର ଗାଁକୁ ଯାଇ ତାକୁ ଗିରଫ କରିଥିଲା । ପଚରା ଉଚରା ପରେ ସେ କହିଥିଲା ମତେ ଜାମିନ ମିଳିବା ପରେ ମୁଁ କୋର୍ଟରେ ହାଜିର ହେବା ତାରିଖରେ କୋର୍ଟ ନଯାଇ ଫେରାର ହୋଇଯାଇଥିଲି । ଏହା ପରେ ମୁଁ ଗୋରଖପୁର ପଳାଇଥିଲି ସେଠାରେ ମୁଁ ପୁଅ ପାଇଁ ଏକ କପଡା ଦୋକାନ ଖୋଲିଦେଇଥିଲି ଓ ପରେ ନିଜର ଏକ ନକଲି ମୃତ୍ୟୁ ପ୍ରମାଣ ପତ୍ର ପ୍ରସ୍ତୁତ କରି ପୁଲିସକୁ ଦେଇଥିଲି ।