ଖେଳ ହେଲା କାଲ : ସହକର୍ମୀ ମଳଦ୍ୱାରରେ ଗ୍ୟାସ୍ ପାଇପ୍ ଭର୍ତ୍ତି କରି ଦେବାରୁ ପ୍ରାଣ ହରାଇଲେ ଯୁବକ
ନୂଆଦିଲ୍ଲୀ : ନୂଆଦିଲ୍ଲୀର ନାଗ୍ଲୋଇରେ ଘଟିଛି ଏକ ଅଭାବନୀୟ ଘଟଣା । ମଜା କରୁ କରୁ ଜଣଙ୍କ ପାଇଁ ତାହା ସଜା ପାଲଟି ଯାଇଛି । ଏକ ପ୍ଲାଇଉଡ଼ କାରଖାନାରେ କାମ କରୁଥିବା କିଛି କର୍ମଚାରୀ ମଜାରେ ମଜାରେ ଜଣେ ଯୁବକଙ୍କ ମଳଦ୍ୱାରରେ ଗ୍ୟାସ୍ ପାଇପ୍ ଭର୍ତ୍ତି କରି ଦେବାରୁ ତାଙ୍କର ମୃତ୍ୟୁ ଘଟିଛି ।
ଏହି ଘଟଣା ଘଟିବା ପରେ ତାଙ୍କୁ ତୁରନ୍ତ କାରଖାନାର ଡ଼ିସପେନ୍ସରିକୁ ନିଆ ଯାଇଥିଲା । ଧୀରେ ଧୀରେ ତାଙ୍କ ଅବସ୍ଥା ଖରାପ ହେବାରୁ ତାଙ୍କୁ ସରକାରୀ ଡ଼ାକ୍ତରଖାନାକୁ ନିଆ ଯାଇଥିବା ବେଳେ ସେଠାରେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା । ଏ ନେଇ ପୁଲିସକୁ ସୂଚନା ଦିଆଯିବା ପରେ ଏହି ଘଟଣାରେ ସାମିଲ ଥିବା ଅଭିଯୁକ୍ତକୁ ଗିରଫ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସଚନା ମୁତାବକ, ଗୁରୁବାର ମୃତ ରବୀନ୍ଦ୍ର ଚିରି ଯାଇଥିବା ଟ୍ରାଉଜର ପନ୍ଧି ଥିବାରୁ ଅନ୍ୟ ସାଥୀମାନେ ତାଙ୍କୁ ଥଟ୍ଟା କରିଥିଲେ କିନ୍ତୁ ରବୀନ୍ଦ୍ର ସେମାନଙ୍କ କଥା ନ ଶୁଣି ନିଜ କାମ କରିଥିଲେ । ସବୁବେଳେ ସେ ଫଟା ଟ୍ରାଉଜର ପିନ୍ଧି ଆସୁଥିବାରୁ ଆପରାହ୍ଣ ୪ଟାରେ ଏୟାରଜେଟ୍ ବ୍ୟବହାର କରି କାଠ କାଟୁଥିବା ଯୁବକ ଜଣଙ୍କ ହଠାତ ରବୀନ୍ଦ୍ରଙ୍କ ବେକକୁ ତଳକୁ ନୂଆଁଇ ତାଙ୍କ ମଳଦ୍ୱାରରେ ଏୟାର ପାଇପ୍ ଭର୍ତ୍ତି କରି ଦେଇଥିଲେ ।
ସଙ୍ଗେ ସଙ୍ଗେ ତାଙ୍କର ଶରୀର ଫୁଲିଯିବା ସହ କିଛି ସମୟ ମଧ୍ୟରେ ରବୀନ୍ଦ୍ର ତଳେ ପଡ଼ି ଯାଇଥିଲେ । ସଙ୍ଗେ ସଙ୍ଗେ ସେଠାରେ ଉପସ୍ଥିତ କର୍ମଚାରୀମାନେ ରବୀନ୍ଦ୍ରଙ୍କୁ ଡ଼ାକ୍ତରଖାନା ନେଇଥିଲେ ମଧ୍ୟ ସେଠାରେ ତାଙ୍କର ମୃତ୍ୟୁ ହୋଇଥିଲା ।