୫ ବର୍ଷୀୟା ନାବାଳିକା ସହ ଦୁଷ୍କର୍ମ କଲା ୧୫ ବର୍ଷିଅ ନାବାଳକ, ୫୦୦ଟଙ୍କା ଦେଇ ମାମଲା ରଫାଦଫା କରିବାକୁ ଚେଷ୍ଟା କଲା ଅଭିଯୁକ୍ତର ବାପା
ଚଣ୍ଡିଗଡ : ପଞ୍ଜାବର ହୋଶିଆରପୁରରେ ଏକ ଲଜ୍ଜାଜନକ ଘଟଣା ଘଟିଛି । ୧୫ ବର୍ଷୀୟ ବର୍ଷିଅ ୫ବର୍ଷୀୟା ନାବାଳିକା ସହ ସହ ଦୁଷ୍କର୍ମ କରିବା ପରେ ଅଭିଯୁକ୍ତର ବାପା ଯେଉଁ ଅମାନବିକ କାମ କରିଛନ୍ତି, ତାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ପୁଅ କରିଥିବା ଅପରାଧ ବିଷୟରେ ଜାଣିବା ପରେ ବାପା ପୀଡ଼ିତାଙ୍କୁ ୫୦୦ଟଙ୍କା ଦେଇ ଅପରାଧର ଅଭିଯୋଗ ନକରିବା ପାଇଁ କହିଥିଲେ। ଏହା ପରେ ପୂରା ପରିବାର ସଦସ୍ୟ ଗିରଫ ହେବା ଡ଼ରରେ ଫେରାର ହୋଇ ଯାଇଥିବା ଜଣା ପଡ଼ିଛି । ପୁଲିସ ଅଭିଯୋଗ ଗ୍ରହଣ କରି ତଦନ୍ତ ଆରମ୍ଭ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମଙ୍ଗଳବାର ରାତିରେ ଅଭିଯୁକ୍ତ ଚକୋଲେଟ୍ ଦେବା ବାହାନାରେ ନାବାଳିକା ନିଜ ଘରକୁ ଡ଼ାକି ନେଇ ଦୁଷ୍କର୍ମ କରିଥିଲା । ଦୁଷ୍କର୍ମ ସମୟରେ ପୀଡ଼ିତା ପାଟି କରିବାରୁ ପଡ଼ୋଶୀ ଆସି ଅଭିଯୁକ୍ତର ଘର ଆଗରେ ଜମା ହୋଇ ଯାଇଥିଲେ । ଏତେ ଲୋକଙ୍କୁ ଦେଖି ଅଭିଯୁକ୍ତ ପୀଡ଼ିତାକୁ ବାହାରକୁ ଫିଙ୍ଗି ଦେଖି ସେଠାରୁ ଫେରାର ହୋଇ ଯାଇଥିଲେ । ପୀଡ଼ିତାଙ୍କ ଅବସ୍ତା ଦେଖି ତାଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯିବା ପରେ ଅଭିଯୁକ୍ତର ମାତା-ପିତା ଡ଼ାକ୍ତରଖାନା ଯାଇ ମୁହଁ ବନ୍ଦ କରିବା ପାଇଁ ୫୦୦ଟଙ୍କା ଦେଇଥିଲା ।