ଅଲଓ୍ଵରରେ ପୁଣି ଦୁଷ୍କର୍ମ : ଗର୍ଭବତୀ ବୋହୂର ଚିକିତ୍ସା କରାଇବାକୁ ନେଇଥିବା ଶାଶୁ ହେଲେ ଦୁଷ୍କର୍ମର ଶିକାର
ଅଲଓ୍ଵର : ଏଇ କିଛି ଦିନ ମଧ୍ୟରେ ଅଲଓ୍ଵାରରୁ ଦୁଇଟି ଦୁଷ୍କର୍ମ ମାମଲା ସାମ୍ନାକୁ ଆସିଥିବା ବେଳେ ଏବେ ପୁଣି ଜଣେ ବୃଦ୍ଧା ଦୁଷ୍କର୍ମର ଶିକାର ହୋଇଛନ୍ତି । ଗର୍ଭବତୀ ବୋହୂକୁ ନେଇ ଶାଶୁ ଚିକିତ୍ସା କରାଇବାକୁ ଯାଇଥିବା ବେଳେ କାଗଜପତ୍ରରେ ହସ୍ତାକ୍ଷର କରିବାକୁ ଡ଼ାକି ନେଇ ତାଙ୍କ ସହ ଦୁଷ୍କର୍ମ କରାଯାଇଥିବା ଜଣାପଡ଼ିଛି । ଘଟଣାଟି ମେ’ ୭ରେ ଏକ ସରକାରୀ ଡ଼ାକ୍ତରଖାନାରେ ଘଟିଥିବା ବେଳେ ଶୁକ୍ରବାର ପୀଡ଼ିତା ପୁଲିସ ଆଗରେ ଅଭିଯୋଗ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ପୀଡ଼ିତାଙ୍କ ଅଭିଯୋଗ ଅନୁଯାୟୀ, ମେ’ ୭ରେ ପୀଡ଼ିତା ନିଜ ଗର୍ଭବତୀ ବୋହୂକୁ ନେଇ କଠମୁରରେ ଥିବା ସରକାରୀ ଡ଼ାକ୍ତରଖାନାରେ ପହଞ୍ଚିଥିଲେ । ଚିକିତ୍ସା ପରେ ଡ଼ାକ୍ତରଖାନାର କମ୍ପାଉଣ୍ଡର ଗିରିରାଜ ପ୍ରସାଦ କିଛି କାଗଜପତ୍ରରେ ହସ୍ତାକ୍ଷର କରିବା ପାଇଁ ରାତି ୮ଟାରେ ପ୍ରସବ କକ୍ଷକୁ ଡ଼ାକି ନେଇଥିଲେ । ସେଠାକୁ ଯିବା ପରେ ଭିତରେ ରାମ ନିବାସ ନାମକ ଆଉ ଜଣେ ଅଭିଯୁକ୍ତ ଆଗରୁ ଉପସ୍ଥିତ ଥିଲେ । ଭିତରକୁ ଯିବା ପରେ ଗିରିରାଜ ପୀଡ଼ିତାଙ୍କୁ ଚାପି ଧରିବା ସହ ରାମ ନିବାସ ପୀଡ଼ିତାଙ୍କ ସହ ଦୁଷ୍କର୍ମ କରିଥିଲେ । ଏ ନେଇ ଅଭିଯୋଗ ହେବା ପରେ ପୁଲିସ ଅଧିକ ସୂଚନା ପାଇଁ ତଦନ୍ତ ଆରମ୍ଭ ରଖିଛି ।