ବାପାଠାରୁ ପ୍ରତିଶୋଧ ନେବା ପାଇଁ ୮ବର୍ଷର ଝିଅ ସହ ଦୁଷ୍କର୍ମ କରି ଗଳାକାଟି ହତ୍ୟା କଲା ଯୁବକ
ଲଖିମ୍ପୁର-ଖେରୀ(ଉତ୍ତରପ୍ରଦେଶ) : ଉତ୍ତରପ୍ରଦେଶର ଲଖିମ୍ପୁର-ଖେରୀ ଜିଲ୍ଲାରେ ଘଟିଛି ଏକ ଲଜ୍ଜାଜନକ ଘଟଣା । ବାପ ଉପରେ ଥିବା ରାଗକୁ ସୁଝାଇବା ପାଇଁ ଏକ ୮ବର୍ଷର ଶିଶୁ ସହ ଦୁଷ୍କର୍ମ କରି ନିର୍ମମ ଭାବେ ହତ୍ୟା କରାଯାଇଛି । ପ୍ରାୟ ବର୍ଷେ ପୂର୍ବରୁ ପୀଡ଼ିତାଙ୍କ ବାପା ଅଭିଯୁକ୍ତକୁ ଏକ ଜମି କିଣିବା ପରେ ପୂରା ଟଙ୍କା ଦେଇ ନଥିବାରୁ ସେ ରାଗରେ ଏପରି କରିଥିବା ଜଣାପଡ଼ିଛି । ନିଶାଗ୍ରସ୍ତ ଅବସ୍ଥାରେ ଅଭିଯୁକ୍ତ ଏପରି କରିଥିବା ବେଳେ ମୃତଦେହକୁ ଉଦ୍ଧାର ପରେ ଅଭିଯୁକ୍ତକୁ ଗିରଫ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଶନିବାର ପୀଡ଼ିତା ଘର ବାହାରେ ଖେଳୁଥିବା ବେଳେ ଅଭିଯୁକ୍ତ ଛୋଟେଲାଲ ଆସି ତାଙ୍କୁ ଅପହରଣ କରି ନେଇଥିଲେ । ଗାଁରେ ଥିବା ଆଖୁ କ୍ଷେତକୁ ନେଇ ଛୋଟେଲାଲ ପୀଡ଼ିତାଙ୍କ ସହ ଦୁଷ୍କର୍ମ କରିବା ସହ ଗଳା କାଟି ହତ୍ୟା କରିଥିଲା । ଅନ୍ୟ ପକ୍ଷରେ ଝିଅକୁ ଘରେ ନ ପାଇ ଚାରିଆଡ଼େ ଖୋଜାଖୋଜି କରିବା ପରେ ଘରଠାରୁ ୬କି.ମି ଦୂରରେ ଝିଅ ମୃତଦେହ ପଡ଼ିଥିବାର ଦେଖିଲେ ପରିବାର ଲୋକେ । ଆଗରୁ ଛୋଟେଲାଲ ଏପରି କିଛି କରିବ ବୋଲି ଧମକ ଦେଇଥିବାରୁ ପୀଡ଼ିତାଙ୍କ ପରିବାର ଲୋକେ ପୁଲିସରେ ଛୋଟେଲାଲଙ୍କ ବିରୋଧରେ ଏତଲା ଦେଇଥିଲେ । ଏତଲା ପାଇ ପୁଲିସ ଛୋଟେଲାଲଙ୍କୁ ବସ୍ଷ୍ଟାଣ୍ଡରୁ ଗିରଫ କରିଥିଲା । ଗିରଫ ପରେ ସବୁ ସତ ମାନିଥିଲା ଛୋଟେଲାଲ ।