ଅଭିଯୋଗ ରଖିଲାନି ସ୍ଥାନୀୟ ପୁଲିସ, ଗଣଦୁଷ୍କର୍ମର ଅଭିଯୋଗ କରିବା ପାଇଁ ୭୫ କିଲୋମିଟର ଗଲେ ପୀଡ଼ିତା
ମୁରୈନା(ମଧ୍ୟପ୍ରଦେଶ) : ମଧ୍ୟପ୍ରଦେଶର ମୁରୈନାରେ ଘଟିଛି ଏକ ଆଶ୍ଚର୍ଯ୍ୟ କରିଦେବା ଭଳି ଘଟଣା । ଏଠାରେ ଜଣେ ୧୬ବର୍ଷିୟ ନାବାଳିକା ସହ ଗଣଦୁଷ୍କର୍ମର ହୋଇଥିବା ବେଳେ ଏହି ଘଟଣାର ଅଭିଯୋଗ କରିବା ପାଇଁ ପୀଡ଼ିତା ୭୫ କିଲୋମିଟର ଯିବା ଘଟଣା ଏବେ ପୁଲିସର ଦାୟିତ୍ୱବଦ୍ଧତା ଉପରେ ପ୍ରଶ୍ନ ଉଠାଇଛି । ସୂଚନା ମୁତାବକ, ଗତ ରବିବାର ରାତିରେ ପୀଡ଼ିତା ଶୌଚ ହେବାକୁ ଯାଇଥିବା ବେଳେ ତାଙ୍କୁ ୪ଜଣ ଯୁବକ ଟେକି ନେଇ ଗଣଦୁଷ୍କର୍ମ କରିଥିଲେ । ପୀଡ଼ିତା ବେହୋସ ହୋଇଯିବା ପରେ ୪ ଜଣ ଅଭିଯୁକ୍ତ ତାଙ୍କୁ ସେଠାରେ ଛାଡ଼ି ଚାଲି ଯାଇଥିଲେ । ହୋସ ଆସିବା ପରେ ପୀଡ଼ିତା ନିଜ ଘରକୁ ଯାଇ ସବୁ ଘଟଣା ଜଣାଇବା ପରେ ସୋମବାର ଦିନ ଅଭିଯୋଗ କରିବାକୁ ତାଙ୍କ ବାପାଙ୍କ ସହ ନାଗରା ପୁଲିସ ଷ୍ଟେସନରେ ପହଞ୍ଚିଥିଲେ। କିନ୍ତୁ ସେଠାରେ ତାଙ୍କ ଅଭିଯୋଗକୁ ରଖା ଯାଇ ନଥିଲା । ଏଥି ପାଇଁ ତାଙ୍କୁ ୭୫କିଲୋମିଟର ଦୂର ଅନ୍ୟ ଏକ ଥାନାକୁ ଯାଇ ଗଣଦୁଷ୍କର୍ମର ଅଭିଯୋଗ କରିବାକୁ ପଡ଼ିଥିଲା ।
Sambad is now on WhatsApp
Join and get latest news updates delivered to you via WhatsApp
ଏହା ପଛର କାରଣ ପଚରାଯିବା ପରେ,ଆଇନ୍ ଅନୁଯାୟୀ ଦୁଷ୍କର୍ମ ମାମଲା କେବଳ ମହିଳା ପୁଲିସ ଅଧିକାରୀଙ୍କ ଦ୍ୱାରା ରେଜିଷ୍ଟର କରାଯାଇ ପାରିବ । କିନ୍ତୁ ଆମ ପୁଲିସ ଷ୍ଟେସନ ଏବଂ ଆଖପାଖରେ ଥିବା ପୁଲିସ ଷ୍ଟେସନରେ କେହି ବି ମହିଳା ପୁଲିସ କର୍ମଚାରୀ ନାହାନ୍ତି । ଏହା ସହ ଏହି ଅଞ୍ଚଳରେ ଥିବା କୌଣସି ବି ଡ଼ାକ୍ତରଖାନାରେ ମହିଳା ଡ଼ାକ୍ତର ମଧ୍ୟ ନାହାନ୍ତି । ଯାହା ପାଇଁ ପୀଡ଼ିତାଙ୍କୁ ମୁରୈନା ଜିଲ୍ଲା ଡ଼ାକ୍ତରଖାନାକୁ ପଠାଯାଇଥିଲା ବୋଲି ନାଗରା ପୁଲିସ ଷ୍ଟେସନର ଇନ୍ଚାର୍ଜ ଶିବପ୍ରସାଦ ସିଂ କହିଥିଲେ । ଅନ୍ୟ ପକ୍ଷରେ ମାମଲା ରୁଜୁ ହେବା ପରେ ଅଭିଯୁକ୍ତଙ୍କୁ ଖୋଜିବା ଆରମ୍ଭ କରିଛି ପୁଲିସ ।