ଦୁଷ୍କର୍ମ ପୀଡ଼ିତାଙ୍କୁ ବୟାନ ଦେବାକୁ ରୋକିଲେ, ନ ମାନିବାରୁ ପିଆଇଲେ ବିଷ
ନୂଆଦିଲ୍ଲୀ: ଦିଲ୍ଲୀର ଦ୍ୱାରକାରେ ଜଣେ ଦୁଷ୍କର୍ମ ପୀଡ଼ିତାଙ୍କୁ ଜୋର ଜବରଦସ୍ତ ବିଷ ଦେଇ ହତ୍ୟା କରିବା ଘଟଣା ଏବେ ଚର୍ଚ୍ଚାରେ । ଘଟଣାଟି ଗୁରୁବାର ଘଟିଥିବା ବେଳେ ପୀଡ଼ିତା ଟିଉସନ୍ ସାରି ଘରକୁ ଫେରୁଥିବା ବେଳେ ଏହି ଘଟଣା ଘଟିଥିବା ପୁଲିସ ସୂଚନା ଦେଇଛି ।
Sambad is now on WhatsApp
Join and get latest news updates delivered to you via WhatsApp
ପୀଡ଼ିତା ପୁଲିସକୁ ଦେଇଥିବା ବୟାନ ଅନୁଯାୟୀ, ଗୁରୁବାର ସନ୍ଧ୍ୟାରେ ସେ ଟିଉସନ୍ ସାରି ଘରକୁ ଫେରୁଥିବା ବେଳେ ୨ଜଣ ଯୁବକ ବାଇକ୍ରେ ଆସି ଦୁଷ୍କର୍ମ କରିଥିବା ଯୁବକଙ୍କ ବିରୋଧରେ ବୟାନ ନ ଦେବା ପାଇଁ କହିଥିଲେ । କିନ୍ତୁ ପୀଡ଼ିତା ମନା କରି ଦେବାରୁ ଦୁଇ ଯୁବକ ପୀଡ଼ିତାଙ୍କ ବିଷ ପିଆଇ ଦେଇ ସେଠାରୁ ଫେରାର ହୋଇ ଯାଇଥିଲେ ।
ପରେ ଯୁବତୀ ବେହୋସ ହେଉଥିବା ଜାଣି ତୁରନ୍ତ ଅଟୋ ନେଇ ଦିନ୍ ଦୟାଲ ଉପାଧ୍ୟାୟ ହସ୍ପିଟାଲରେ ପହଞ୍ଚି ନିଜର ଚିକିତ୍ସା କରାଇଥିଲେ । ଅବସ୍ଥାରେ ସୁଧାର ଆସିବା ପରେ ଶୁକ୍ରବାର ସକାଳୁ ପୁଲିସକୁ ସବୁ କଥା ଜଣାଇଥିଲେ ପୀଡ଼ିତା । ପୁଲିସ ଅଭିଯୋଗ ପାଇ ଦୁଇ ଜଣଙ୍କ ବିରୋଧରେ ମାମଲା ରୁଜୁ କରିଥିବା ଜଣା ପଡ଼ିଛି ।