ବିବାହର ପ୍ରତିଶ୍ରୁତି ଦେଇ ୫ ବର୍ଷ ପର୍ଯ୍ୟନ୍ତ ଦୁଷ୍କର୍ମ କରୁଥିଲା ଅଭିଯୁକ୍ତ, ୨ ଥର କରାଇଥିଲା ଗର୍ଭପାତ
ମୁମ୍ବାଇ : ମୁମ୍ବାଇରେ ରହୁଥିବା ଜଣେ ୨୬ବର୍ଷୀୟ ମହିଳାଙ୍କୁ ବିବାହର ପ୍ରତିଶ୍ରୁତି ଦେଇ ଦୁଷ୍କର୍ମ କରୁଥିବାରୁ ପୁଲିସ ଅଭିଯୁକ୍ତ ବିରୋଧରେ ଏତଲା ରୁଜୁ କରିଛି । ୨୦୧୪-୨୦୧୯ ମଧ୍ୟରେ ଅଭିଯୁକ୍ତ ପୀଡ଼ିତାଙ୍କ ସହ ଅନେକ ଥର ଶାରୀରିକ ସଂପର୍କ ରଖିଥିବା ବେଳେ ୨ଥର ଗର୍ଭପାତ କରାଇଥିବା ପୁଲିସ ଆଗରେ କହିଛନ୍ତି ପୀଡ଼ିତା । ମାମଲା ସାମ୍ନାକୁ ଆସିବା ପରେ ପୁଲିସ ପୀଡ଼ିତାଙ୍କୁ ଧମକାଇବା ଅଭିଯୋଗରେ ଅଭିଯୁକ୍ତଙ୍କ ବାପାଙ୍କୁ ଗିରଫ କରିବା ସହ ଅଭିଯୁକ୍ତ ଖୋଜିବା ଆରମ୍ଭ କରିଛି ।
Sambad is now on WhatsApp
Join and get latest news updates delivered to you via WhatsApp
ମୁମ୍ବାଇର ଭିଲେ ପାର୍ଲେ ପୁଲିସ ଦେଇଥିବା ସୂଚନା ମୁତାବକ, ୨୦୧୨ ମସିହାରେ ପୀଡ଼ିତା ଫେସ୍ବୁକ୍ ଜରିଆରେ ଅଭିଯୁକ୍ତ ସହ ସଂପର୍କରେ ଆସିବା ସହ ଦୁହିଁଙ୍କ ମଧ୍ୟରେ ବନ୍ଧୁତା ସ୍ଥାପନ ହୋଇଥିଲା । ଏହା ପରେ ବିବାହର ପ୍ରତିଶ୍ରୁତି ଦେଇ ଅଭିଯୁକ୍ତ ମୁମ୍ବାଇର ଏକ ହୋଟେଲରେ ପୀଡ଼ିତାଙ୍କ ସହ ଶାରୀରିକ ସଂପର୍କ ରଖିଥିଲେ । କିଛି ଦିନ ପରେ ପୀଡ଼ିତା ଅଭିଯୁକ୍ତଙ୍କୁ ବିବାହ ପାଇଁ ଘରେ କହିବା ପାଇଁ କହିଥିଲେ । କିନ୍ତୁ ଅଭିଯୁକ୍ତ ବିଳମ୍ବ କରି ଚାଲିଥିଲେ । ଏହା ଦେଖି ପୀଡ଼ିତା ଆତ୍ମହତ୍ୟାର ଧମକ ଦେବା ପରେ ଅଭିଯୁକ୍ତ ନିଜ ସାଙ୍ଗମାନଙ୍କ ଉପସ୍ଥିତିରେ ନିର୍ବନ୍ଧ କରି ନେଇଥିଲେ । କିନ୍ତୁ ନିର୍ବନ୍ଧରେ ଅଭିଯୁକ୍ତଙ୍କ ପରିବାର ଲୋକେ ସାମିଲ ହୋଇ ନଥିଲେ । ନିର୍ବନ୍ଧ ପରେ ଶାରୀରିକ ସଂପର୍କ ରଖୁଥିଲେ ମଧ୍ୟ ବିବାହ ପାଇଁ ସମୟ ଗଡ଼ାଇ ଚାଲିଥିଲା ଅଭିଯୁକ୍ତ ।
ଏ ମଧ୍ୟରେ ୨୦୧୫ ଏବଂ ୨୦୧୭ରେ ଦୁଇ ଥର ପୀଡ଼ିତାଙ୍କ ଗର୍ଭପାତ କରା ଯାଇଥିଲେ ମଧ୍ୟ ବିବାହ ପାଇଁ ଅଭିଯୁକ୍ତ ଚିନ୍ତା କରୁ ନଥିଲା । ୨୦୧୯ରେ ମୋର ବଡ଼ ଭଉଣୀ ବିବାହ ପରେ ବିବାହ କରିବି ଏବଂ ତୁମର ଛୋଟ ଜାତି ପାଇଁ ଆମ ଘରେ ବିବାହ ପାଇଁ ରାଜି ହେଉ ନଥିବା କହିଥିଲେ ଅଭିଯୁକ୍ତ । ଯାହା ପରେ ପୀଡ଼ିତା ଫେବୃଆରୀରେ ଅଭିଯୁକ୍ତର ଘରକୁ ଯାଇ ପୂରା ଘଟଣା ଜଣାଇଥିଲେ । ସମାଧାନ କରିବା ପରିବର୍ତ୍ତେ ସେମାନେ ପୀଡ଼ିତାଙ୍କୁ ଗାଳି ଦେବା ସହ ଧମକାଇଥିଲେ । ଏତେ ସବୁ ହେବା ପରେ ଶେଷରେ ପୀଡ଼ିତା ପୁଲିସରେ ଆସି ଅଭିଯୋଗ କରିବା ପରେ କାର୍ଯ୍ୟନୁଷ୍ଠାନ ଗ୍ରହଣ କରିବା ଆରମ୍ଭ କରିଛି ପୁଲିସ ।