ବିବାହର ପ୍ରତିଶ୍ରୁତି ଦେଇ ମହିଳାଙ୍କ ସହ ଦୁଷ୍କର୍ମ କରିଥିଲେ ରାଷ୍ଟ୍ରପତି ଭବନର କର୍ମଚାରୀ, ତଦନ୍ତ ଆରମ୍ଭ କଲା ପୁଲିସ
ନୂଆଦିଲ୍ଲୀ : ଦେଶର ରାଜଧାନୀ ଦିଲ୍ଲୀରେ ଏବେ ପୁଣି ଏକ ଦୁଷ୍କର୍ମ ମାମଲା ସାମ୍ନାକୁ ଆସିଛି । ଜଣେ ମହିଳା ରାଷ୍ଟ୍ରପତି ଭବନର କର୍ମଚାରୀଙ୍କ ବିରୋଧରେ ଦୁଷ୍କର୍ମର ଅଭିଯୋଗ ଆଣିବା ଖବର ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଅଭିଯୁକ୍ତ ପୀଡ଼ିତାଙ୍କୁ ବିବାହର ପ୍ରତିଶ୍ରୁତି ଦେଇ ତାଙ୍କ ସହ ଶାରୀରିକ ସଂପର୍କ ରଖିଥିବା ବେଳେ ପରେ ବିବାହ କରିବାକୁ ମନା କରି ଦେଇଥିଲେ । ଯାହା ପରେ ଅଭିଯୁକ୍ତ ପୀଡ଼ିତାଙ୍କୁ ରାଷ୍ଟ୍ରପତି ଭବନର ଷ୍ଟାଫ୍ କ୍ୱଟରକୁ ନେଇ ଦୁଷ୍କର୍ମ କରିଥିଲେ ବୋଲି ପୁଲିସରେ ଅଭିଯୋଗ କରିଛନ୍ତି ପୀଡ଼ିତା ।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ପକ୍ଷରେ ଡିସିପି ମଧୁର ବର୍ମା ପୀଡ଼ିତାଙ୍କ ଅଭିଯୋଗ ମିଛ ବୋଲି କହି, ପୀଡ଼ିତା ଅନେକ ଥର କାଲି ବରୀରେ ରହୁଥିବା ଅଭିଯୁକ୍ତ ଘରକୁ ଯିବା ଆସିବା କରନ୍ତି ବୋଲି କହିଛନ୍ତିି । ତେବେ ଅଭିଯୋଗ ନେଇ କୌଣସି ସ୍ପଷ୍ଟିକରଣ ମିଳି ନଥିବା ବେଳେ ପୁଲିସ ତଦନ୍ତ ଜାରି ରଖିଛି । ତଦନ୍ତ ପରେ ଅଭିଯୁକ୍ତ ଦୋଷୀ ସାବ୍ୟସ୍ତ ହେଲେ ପୁଲିସ ଗିରଫ କରିବ ବୋଲି ସୂଚନା ଦେଇଛି ।