ପୁଣି ସାମ୍ନାକୁ ଆସିଲା ପୁଲିସର ଅମାନବୀୟ କାର୍ନାମା : ଅଭିଯୁକ୍ତ ବଦଳରେ ଦୁଷ୍କର୍ମ ପୀଡ଼ିତାଙ୍କୁ ପଠାଇଦେଲେ ଜେଲ୍, ଏପରି କରିଥିଲେ ଯୋଜନା
ମେରଠ : କିଛି ଦିନ ହେବ ଉତ୍ତରପ୍ରଦେଶରେ ଘଟୁଥିବା ଘଟଣାକୁ ନେଇ ଯୁପି ପୁଲିସର କାର୍ଯ୍ୟଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। ଏବେ ଉତ୍ତରପ୍ରଦେଶର ମେରଠରେ ପୁଲିସର ଏକ ନୂଆ କାର୍ନାମା ଦେଖିବାକୁ ମିଳିଛି । ପୁଲିସ ଦୁଷ୍କର୍ମର ୫ମାସ ପରେ ଅଭିଯୁକ୍ତକୁ ଗିରଫ କରି ନ ଥିବା ବେଳେ ୫ମାସ ପରେ ଦୁଷ୍କର୍ମ ପୀଡ଼ିତାଙ୍କୁ ଗିରଫ କରିବା ଘଟଣା ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କଙ୍କରଖେଡ଼ା ଥାନାରେ ୫ମାସ ତଳେ ଜଣେ ବ୍ୟକ୍ତି ତାଙ୍କ ଝିଅ ସହ ଦୁଷ୍କର୍ମ ହୋଇଥିବା ଅଭିଯୋଗ କରିଥିବା ବେଳେ ନ୍ୟାୟ ପାଇଁ ତୁରନ୍ତ ଅଭିଯୁକ୍ତକୁ ଗିରଫ କରାଯାଉ ବୋଲି କହିଥିଲେ । କିନ୍ତୁ ଅଭିଯୋଗ କରିବାକୁ ୫ମାସ ହୋଇ ଯାଇଥିବା ବେଳେ ପୁଲିସ ଅଭିଯୁକ୍ତକୁ ଗିରଫ ନ କରିବା ସହ ଚାର୍ଜସିଟ୍ ମଧ୍ୟ ଦାଖଲ କରି ନଥିଲା । ଶନିବାର ଅଭିଯୁକ୍ତ ନିଜର କିଛି ସାଥୀଙ୍କୁ ନେଇ ପୀଡ଼ିତାଙ୍କ ଘରେ ପହଞ୍ଚିବା ସହ ତାଙ୍କ ଘରେ ହଙ୍ଗାମା କରିଥିଲେ । ସେଠାରେ ପୁଲିସ ପହଞ୍ଚିବା ପରେ ଦୁଇ ପକ୍ଷରୁ ଲୋକଙ୍କୁ ଗିରଫ କରିଥିବା ବେଳେ ସେ ମଧ୍ୟରେ ଦୁଷ୍କର୍ମ ପୀଡ଼ିତା ମଧ୍ୟ ଥିବା ଜଣା ପଡ଼ିଛି । ତେବେ ଏହି ଘଟଣାରେ ପୁଲିସ ଅଭିଯୁକ୍ତର ପରିବାର ସହ ମିଶି ଏପରି କରିଥିବା କହିଛନ୍ତି ପୀଡ଼ିତାଙ୍କ ପରିବାର ।