ନିଜେ ଚଳାଉଥିବା ସ୍କୁଲ୍ର ଛାତ୍ରୀମାନଙ୍କୁ ଅସଦାଚରଣ କରିଥିବା ଅଭିଯୋଗରେ ଆତ୍ମଘୋଷିତ ବାବା ଗିରଫ
ଚଣ୍ଡିଗଡ଼: ହରିଆଣା ପୁଲିସ୍ ବୁଧବାର ଜଣେ ଆତ୍ମଘୋଷିତ ବାବାଙ୍କୁ ଗିରଫ କରିଛି। ଆତ୍ମଘୋଷିତ ବାବା ଜଣକ କ୍ରିଷ୍ଣା ନନ୍ଦ। ହରିଆଣାର ହିସାର୍ଠାରେ ନିଜେ ଚଳାଉଥିବା ଏକ ବୋର୍ଡିଂ ସ୍କୁଲ୍ର ଛାତ୍ରୀମାନଙ୍କୁ ଅସଦାଚରଣ କରିଥିବା ଅଭିଯୋଗରେ କ୍ରିଷ୍ଣା ନନ୍ଦଙ୍କୁ ଗିରଫ କରାଯାଇଛି। ପୋସ୍କୋ ଆଇନ୍ ମୁତାବକ କ୍ରିଷ୍ଣା ନନ୍ଦଙ୍କ ବିରୋଧରେ ଏକ ମାମଲା ରୁଜୁ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଜଣେ ଛାତ୍ରୀଙ୍କ ଦ୍ୱାରା ଅଭିଯୋଗ ଦାୟର ହେବା ପରେ ଏହି ଘଟଣା ସାମ୍ନାକୁ ଆସିଛି। ଜାଣିବାକୁ ମିଳିଛି ଯେ ନନ୍ଦ ତାଙ୍କ ସ୍କୁଲ୍ର ଜଣେ ଯୁବତୀଙ୍କୁ ଅସଦାଚରଣ କରିଛନ୍ତି।
ଗୁରୁବାର ଅପରାହ୍ନ ପ୍ରାୟ ୩ଟା ସମୟରେ ଜଣେ ଛାତ୍ରୀ ପୁଲିସ୍କୁ ଫୋନ୍ କରି କ୍ରିଷ୍ଣା ନନ୍ଦ ଜଣେ ଛାତ୍ରକୁ ଅସଦାଚରଣ କରିଥିବା ସୂଚୀତ କରିଥିଲେ। ପୁଲିସ୍ ସ୍କୁଲ୍ ପରିସରକୁ ଆସିବା ପରେ ପାଖାପାଖି ୧୨ ଜଣ ପୀଡ଼ିତ ମୁହଁ ଖୋଲିଥିଲେ। ପୁଲିସ୍ କ୍ରିଷ୍ଣା ନନ୍ଦଙ୍କ ବିରୋଧରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା।
ବର୍ତ୍ତମାନ ପରିସ୍ଥିତିରେ ଯେଉଁ ଛାତ୍ରୀମାନେ ସ୍କୁଲ୍ ପରିସରରେ ରହୁଥିଲେ ସେମାନଙ୍କୁ ସେମାନଙ୍କ ଘରକୁ ପଠାଇ ଦିଆଯାଇଛି।