ଭୁବନେଶ୍ୱର: କଡ଼ା ସୁରକ୍ଷା ବଳୟରେ ଥିବା ନବୀନ ନିବାସ ନିକଟ ବିମାନବନ୍ଦର ଛକରୁ ଶନିବାର ରାତିରେ ସିରିଜ୍ ଚୋରି ହୋଇଛି। ଦୁର୍ବୃତ୍ତମାନେ ୩ଟି ଦୋକାନର ସଟର କାଟି ଲକ୍ଷାଧିକ ଟଙ୍କାର ଜିନିଷପତ୍ର ଓ ଟଙ୍କା ନେଇ ଯାଇଛନ୍ତି। ଏ ନେଇ ବ୍ୟବସାୟୀମାନେ ଏୟାରଫିଲ୍ଡ ଥାନାରେ ଅଭିଯୋଗ କରିବା ପରେ ପୁଲିସ ଘଟଣାସ୍ଥଳକୁ ଆସି ତଦନ୍ତ କରିଛି। ଲୁଟ୍ବେଳର ଦୃଶ୍ୟ ବିମାନବନ୍ଦରରେ ଲାଗିଥିବା ସିସି କ୍ୟାମେରାରେ ମହଜୁଦ ଅଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ବିମାନବନ୍ଦରେ ଛକରେ ଥିବା ଓମଫେଡ୍ ବୁଥ, ବେଙ୍ଗଲ ସୁଇଟ୍ସ ଓ ପତଞ୍ଜଳି ଷ୍ଟୋରର ସଟର କଟାଯାଇଛି। ୩ଟି ଦୋକାନରେ ଥିବା ଟଙ୍କା ବାକ୍ସରେ ପାଖାପାଖି ୪୦ ହଜାର ଟଙ୍କା ଓ ଜିନିଷପତ୍ର ଚୋରି ହୋଇଛି। ଦୁର୍ବୃତ୍ତମାନେ ବେଙ୍ଗଲ ସୁଇଟ୍ସରୁ ବହୁ ପରିମାଣରୁ ଦାମୀ ମିଠା ମଧ୍ୟ ଚୋରି କରି ନେଇଛନ୍ତି। ଏ ନେଇ ବ୍ୟବସାୟୀ କାମେଶ୍ୱର ସାହା, ତ୍ରିନାଥ ଘୋଷ, ବିଶ୍ୱବିଜୟୀ ରଥ ପ୍ରମୁଖ ଥାନାରେ ଅଭିଯୋଗ କରିଛନ୍ତି। ୨୪ ଘଣ୍ଟିଆ ସୁରକ୍ଷା ବଳୟରେ ଥିବା ନବୀନ ନିବାସରୁ ବିମାନବନ୍ଦର ଛକ ରାସ୍ତା ପାର୍ଶ୍ୱ ଦୋକାନରୁ ସିରିଜ୍ ଚୋରି ହେବା ପୁଲିସ ସୁରକ୍ଷା ବନ୍ଦୋବସ୍ତ ଓ ପାରିବା ପଣିଆ ଉପରେ ପ୍ରଶ୍ନ ଉଠିଛି।