ସୁରତ୍ ଦୁଷ୍କର୍ମ ମାମଲା : ବିଜେପି ନେତାଙ୍କ ହାତ ଥିବା ଆଶଙ୍କା !
ସୁରତ୍ : ସପ୍ତାହେ ପୂର୍ବରୁ ସୁରତ୍ରେ ଜଣେ ୧୧ ବର୍ଷୀୟ ନାବାଳିକାଙ୍କ ମୃତ ଦେହ ଉଦ୍ଧାର କରିଥିଲା ସୁରତ୍ ପୁଲିସ । ପୀଡ଼ିତାଙ୍କ ସହ ପ୍ରଥମେ ଦୁଷ୍କର୍ମ କରାଯାଇ ତା’ପରେ ତାଙ୍କୁ ମାରି ଦିଆଯାଇଥିବା ସନ୍ଦେହ କରାଯାଉଥିବା ବେଳେ ପୀଡ଼ିତାଙ୍କୁ ଏ ପର୍ଯ୍ୟନ୍ତ ଚିହ୍ନଟ କରିବାରେ ସଫଳ ହୋଇ ନାହିଁ ପୁଲିସ ।
ପୀଡ଼ିତାଙ୍କ ଶରୀରରେ ୮୬ଟି କ୍ଷତ ଥିବା ବେଳେ କିଏ ଏବଂ କ’ଣ ପାଇଁ ଏପରି କରିଛି ସେ ବିଷୟରେ ପୁଲିସ ତଦନ୍ତ ଆରମ୍ଭ କରିଛି । ଏହି ଘଟଣାକୁ ନେଇ ଅନେକ କଥା ସାମ୍ନାକୁ ଆସୁଥିବା ବେଳେ ଏହା ପଛରେ ସ୍ଥାନୀୟ ବିଜେପି ନେତା ହରିଶ ଠାକୁରଙ୍କ ହାତ ଥିବା ନେଇ ଚର୍ଚ୍ଚା ଶୁଣିବାକୁ ମିଳିଛି ।
Sambad is now on WhatsApp
Join and get latest news updates delivered to you via WhatsApp
କେହି ଜଣେ ଟ୍ଵିଟ୍ କରି ହରିଶ ଠାକୁରଙ୍କୁ ଅଭିଯୁକ୍ତ ବୋଲି ଲେଖିଥିବା ବେଳେ କେହି ଜଣେ ବିଜେପି ଛାତ୍ର ନେତାଙ୍କୁ ଅଭିଯୁକ୍ତ ବୋଲି କହି ଟ୍ଵିଟ୍ କରିଥିବା ଜଣାପଡ଼ିଛି । ଅନ୍ୟ ପକ୍ଷରେ ଏହି ଟ୍ଵିଟ୍ ଉପରେ ଗୁଜୁରାଟର ଗୃହମନ୍ତ୍ରୀ ପ୍ରଦୀପ୍ ସିହ୍ନା ଜଡ଼େଜା ନିଜର ମତ ରଖିଛନ୍ତି ।
Police has no info of her family. We got posters printed&now suspect she was from Odisha. We contacted Odisha DGP,checked photos of more than 8,000 missing children. Examined CCTV & call records in the area. Will ensure justice for the girl: PS Jadeja, Gujarat HM #SuratRapeCase pic.twitter.com/bKyzFDOQJ3
— ANI (@ANI) April 16, 2018
ତାଙ୍କ କହିବା ଅନୁଯାୟୀ, ଏ ଘଟଣା ପଛରେ ପ୍ରକୃତରେ କାହାର ହାତ ରହିଛି ତାହା ସ୍ପଷ୍ଟ ହୋଇ ପାରିନାହିଁ । କିନ୍ତୁ ପୀଡ଼ିତାଙ୍କୁ ଯେମିତି ନ୍ୟାୟ ମିଳିବ ସେ ନେଇ ଆମେ ଚେଷ୍ଟା ଆରମ୍ଭ କରିଛୁ । ପୀଡ଼ିତାଙ୍କୁ ଚିହ୍ନଟ କରିବା ପାଇଁ ସବୁ ଜନଗହଳି ସ୍ଥାନରେ ଆମେ ତାଙ୍କର ଫଟୋ ଲାଗାଇଛୁ । ଖୁବ୍ ଶୀଘ୍ର ଆମେ ଦୋଷୀକୁ ଗିରଫ କରିବାରେ ସଫଳ ହେବୁ । ପୀଡ଼ିତା ଜଣଙ୍କ ଓଡ଼ିଶାର ବୋଲି ସୂଚନା ମିଳିଥିବାରୁ ଆମେ ସ୍ପଷ୍ଟ କରିବା ପାଇଁ ଓଡ଼ିଶାର ଡ଼ିଜିପିଙ୍କ ସହ ସମ୍ପର୍କ କରିଛୁ ବୋଲି ସେ କହିଛନ୍ତି ।