ପୁଲିସ ଅଭିଯୋଗ ନ ରଖିବାରୁ ଫେସ୍ବୁକ୍ ଲାଇଭ୍ କରି ସାମ୍ବାଦିକଙ୍କ ଉପରେ ଯୌନ ଶୋଷଣର ଆରୋପ ଲଗାଇଲେ ଏହି ଅଭିନେତ୍ରୀ
ଚେନ୍ନାଇ : ତାମିଲନାଡ଼ୁର ଜଣେ ଲୋକପ୍ରିୟ ଅଭିନେତ୍ରୀ ଫେସ୍ବୁକ୍ ଲାଇଭ୍ କରି ବରିଷ୍ଠ ସାମ୍ବାଦିକଙ୍କ ଉପରେ ଯୌନ ଶୋଷଣର ଆରୋପ ଲଗାଇବା ଘଟଣା ଏବେ ଆଲୋଚନାର ପରିସରକୁ ଆସିଛି । ଫେସ୍ବୁକ୍ ଲାଇଭ୍ କରି ସ୍ୱାମୀଙ୍କ ମୃତ୍ୟୁ ପରେ ଜଣେ ବରିଷ୍ଠ ସାମ୍ବାଦିକ କିଛି ବର୍ଷ ହେବ ତାଙ୍କୁ ଯୌନ ଶୋଷଣ କରି ଆସୁଥିବା ଅଭିଯୋଗ ଆଣିଛନ୍ତି ପୀଡ଼ିତା । ଅଭିଯୋଗ ଆଣିବା ସହ ସମ୍ବାଦିକଙ୍କ ବିରୋଧରେ କାର୍ଯ୍ୟନୁଷ୍ଠାନ ଗ୍ରହଣ କରିବାକୁ ପୀଡ଼ିତା କହୁଥିବା ଦେଖାଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସାମ୍ବାଦିକ ପ୍ରକାଶ ଏମ୍ ସ୍ୱାମୀ ନିଜ ପୁଅର ପାସପୋର୍ଟ କଥା ବୁଝିବା ପାଇଁ ପୀଡ଼ିତାଙ୍କୁ ନିଜ ଘରକୁ ଡ଼କାଇଥିଲେ । ପୀଡ଼ିତା ସେଠାରେ ପହଞ୍ଚିବା ପରେ ପ୍ରକାଶ ତାଙ୍କ ସହ ଅସଦାଚରଣ କରିବା ଆରମ୍ଭ କରିଥିଲେ । ଏହାର ବିରୋଧ କରିବା ସହ ପୀଡ଼ିତା ସେଠାରୁ ଚାଲି ଆସିଥିଲେ । କିନ୍ତୁ ପରେ ପ୍ରକାଶ ପୀଡ଼ିତାଙ୍କୁ ଅଶ୍ଲୀଳ ବାର୍ତ୍ତା ପଠାଇବା ସହ ତାଙ୍କ ବଦନାମ୍ କରିବା କଥା କହିଥିଲେ । ମୁଁ ତାଙ୍କ ସହ ଶାରୀରିକ ସଂପର୍କ ରଖିବା ପାଇଁ ମନା କରିବାରୁ ମୁଁ ମୋ ସ୍ୱାମୀଙ୍କୁ ହତ୍ୟା କରିଛି ବୋଲି ସେ ମିଥ୍ୟା ପ୍ରଚାର କରିଥିଲେ । ଏ ନେଇ ପୀଡ଼ିତା ପୁଲିସରେ ଅଭିଯୋଗ କରିବା ପରେ ପୁଲିସ ଅଭିଯୋଗ ରଖିବା ପାଇଁ ମନା କରିବାରୁ ପୀଡ଼ିତା ଫେସ୍ବୁକ୍ ଲାଇଭ୍ କରି ନିଜ କଥା ଜଣାଇଥିଲେ ।