ଟିକ୍-ଟକ୍ ଭିଡିଓ ପାଇଁ ସାଙ୍ଗକୁ ହତ୍ୟା କରିଥିଲେ ଯୁବକ, କିଛି ମାସ ପରେ ଏହି ଡ଼ରରେ କଲେ ଆତ୍ମହତ୍ୟା
ଚେନ୍ନାଇ: ଟିକ୍ ଟକ୍ ଭିଡିଓ ଅପ୍ଲୋଡ କରିବା ପରେ ରାଗରେ ନିଜ ସାଙ୍ଗକୁ ହତ୍ୟା କରିଥିଲେ ଯୁବକ । ଫେବୃଆରୀ ୨୨ରେ ସେ ନିଜ ବନ୍ଧୁଙ୍କୁ ହତ୍ୟା କରିଥିବା ବେଳେ ମଙ୍ଗଳବାର ସେ ବିଷ ପିଇ ଆତ୍ମହତ୍ୟା କରିଥିବା ଜଣା ପଡ଼ିଛି । ଘଟଣାଟି ତିରୁତ୍ତାନି ଅଞ୍ଚଳରେ ଘଟିଥିବା ବେଳେ ଗିରଫ ହେବା ଡ଼ରରେ ଅଭିଯୁକ୍ତ ଏପରି କରିଥିବା କୁହାଯାଉଛି । ମୃତକଙ୍କ ନାଁ ଭେଙ୍କଟରମଣ ବୋଲି ଜଣା ପଡ଼ିଥିବା ବେଳେ ସେ ତିରୁତ୍ତାନିରେ ଥିବା ଥାଝାଭେଡ଼ୁ ଗାଁରେ ରହୁଥିଲେ । ଏ ଘଟଣାକୁ ନେଇ ପୁଲିସକୁ ସୂଚନା ମିଳିବା ପରେ ଶବ ବ୍ୟବଚ୍ଛେଦ ପାଇଁ ପଠାଇଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଭେଙ୍କଟରମଣ ଫେବୃଆରୀ ୨୧ରେ ନିଜର ଜଣେ ପଡ଼ୋଶୀଙ୍କୁ ଗାଳି ଦେବା ସମୟରେ ତାଙ୍କର ଭିଡିଓ ରେକର୍ଡ କରି ଟିକ ଟକରେ ଛାଡ଼ିଥିଲେ ତାଙ୍କ ବନ୍ଧୁ ବିଜୟ । ଭିଡିଓ ଭାଇରାଲ ହେବା ପରେ ଲୋକେ ଭେଙ୍କଟରମଣଙ୍କୁ ତାଙ୍କ ବ୍ୟବହାର ପାଇଁ ସମାଲୋଚନା କରିବା ଆରମ୍ଭ କରିଥିଲେ । ଯାହା ପରେ ପର ଦିନ ଭେଙ୍କଟରମଣ ବିଜୟଙ୍କୁ ରାଗରେ ହତ୍ୟା କରିଥିଲେ । ପଡ଼ୋଶୀ ଏ ନେଇ ପୁଲିସରେ ଅଭିଯୋଗ କରିବା ପରେ କିଛି ମାସ ଘରୁ ଫେରାର ହୋଇ ଯାଇଥିଲେ ଭେଙ୍କଟରମଣ । କିନ୍ତୁ କିଛି ମାସ ଲୁଚିବା ପରେ ଗିରଫ ହେବା ଡ଼ରରେ ଭେଙ୍କଟରମଣ ଶେଷରେ ଏଭଳି ପଦକ୍ଷେପ ନେଇଥିବା କହିଛନ୍ତି ସ୍ଥାନୀୟ ଲୋକେ ।