ମଦୁରାଇ: ତାମିଲ୍ନାଡୁର ଏକ ସ୍କୁଲ୍ ଭିତରେ ଘଟିଯାଇଛି ଅଭାବନୀୟ ଘଟଣା। ଜଣେ ଶିକ୍ଷୟିତ୍ରୀଙ୍କୁ ତାଙ୍କ ସ୍ୱାମୀ ସମସ୍ତ ଛାତ୍ରଛାତ୍ରୀଙ୍କ ସମ୍ମୁଖରେ ହତ୍ୟା କରିଥିବା ଅଭିଯୋଗ ହୋଇଛି। ତାମିଲ୍ନାଡୁର ମଦୁରାଇ ନିକଟସ୍ଥ ତିରୁମଙ୍ଗଲମଠାରେ ଥିବା ଏକ ସ୍କୁଲ୍ର ଶ୍ରେଣୀ କକ୍ଷ ମଧ୍ୟରେ ଏପରି ଅଭାବନୀୟ ଘଟଣା ଘଟିଛି। ଅଭିଯୁକ୍ତଙ୍କ ନାମରେ ଭାରତୀୟ ପିଙ୍ଗଳ କୋଡର ଧାରା ୩୦୨ ଅଧିନରେ ମାମଲା ରୁଜ୍ଜୁ ହୋଇଛି।
Sambad is now on WhatsApp
Join and get latest news updates delivered to you via WhatsApp
ରିପୋର୍ଟରୁ ଜାଣିବାକୁ ମିଳିଛି ଯେ, ପୀଡ଼ିତା ରାଥିଦେବୀ ଗତ ମାସ ଏକ ସରକାରୀ ସ୍କୁଲ୍ରେ ସାମାଜିକ ବିଜ୍ଞାନ ଶିକ୍ଷୟିତ୍ରୀ ଭାବେ ଚାକିରି ପାଇଥିଲେ। ରାଥିଦେବୀ ସ୍କୁଲ୍ରେ ପାଠ ପଢ଼ାଉଥିବା ବେଳେ ତାଙ୍କ ସ୍ୱାମୀ ସ୍କୁଲ୍ ଭିତରକୁ ଆସି ତାଙ୍କ ସହ ଯୁକ୍ତିତର୍କ କରିଥିଲେ। କଥା ବଢ଼ିବାରୁ ଉତ୍ତ୍ୟକ୍ତ ସ୍ୱାମୀ ରାଥିଦେବୀଙ୍କୁ ଏକ ଛୁରୀ ଭୁସି ହତ୍ୟା କରିଥିଲେ।
ଅପରାହ୍ନ ୩.୩୦ ସମୟରେ ଶିକ୍ଷୟିତ୍ରୀ ଅଷ୍ଟମ ଶ୍ରେଣୀ ପିଲାଙ୍କୁ ପାଠ ପଢ଼ାଉଥିବା ବେଳେ ଏପରି ଘଟଣା ଘଟିଥିବା ସୂଚନା ରହିଛି। ପୁଲିସ୍ର ପ୍ରାଥମିକ ତଦନ୍ତରୁ ଜାଣିବାକୁ ମିଳିଛି ଯେ ଏହି ଅପରାଧ ପାଇଁ ପାରିବାରିକ କଳହ ଦାୟୀ।