ଟଙ୍କା ଚୋରି କରିବାକୁ କାର୍ର କାଚ ଭାଙ୍ଗିଲେ ଦୁର୍ବୃତ୍ତ, କିଛି ନ ମିଳିବାରୁ କାର୍ ଭିତରେ ଥିବା କୁକୁରକୁ ନେଇଗଲେ,ତା’ପରେ…
ନୂଆଦିଲ୍ଲୀ : ଦକ୍ଷିଣ ଦିଲ୍ଲୀର ମସ୍ଜିଦ୍ ମୋଠ ଅଞ୍ଚଳରେ ଘଟିଥିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । କାର୍ ଭିତରେ ଟଙ୍କା ଥିବା ଭାବି କିଛି ଚୋର କାର୍ର କାଚ ଭାଙ୍ଗିଥିବା ବେଳେ କାର୍ ଭିତରେ ତାଙ୍କୁ କିଛି ଟଙ୍କା ମିଳି ନଥିଲା । ସେମାନେ କାର ଭିତରେ ଥିବା କୁକୁର ଲୁଇସ୍କୁ ଚୋରି କରି ନେଇଥିଲେ । ଏବେ ଲୁଇସ୍କୁ ଖୋଜିବା ପାଇଁ ତା’ର ମାଲିକ ୧୦ହଜାର ଟଙ୍କା ପୁରସ୍କାର ଘୋଷଣା କରିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମସ୍ଜିଦ୍ ମୋଠରେ ରହୁଥିବା ଦିୟା ଗୁରୁଗ୍ରାମରେ ରହୁଥିବା ନିଜ ଭାଇଭଉଣୀଙ୍କୁ ଦେଖା କରିବା ପାଇଁ ଲୁଇସ୍କୁ ନେଇ ଟୟୋଟା ଗାଡ଼ିରେ ବାହାରିଥିଲେ । କିଛି ବାଟ ଯିବା ପରେ ସେ ଅର୍ଜନଗଡ଼ ଏୟାରଫୋର୍ସ ଷ୍ଟେସନ ପାଖରେ ଗାଡ଼ି ରଖି ଏକ ଦୋକାନକୁ ଚାଲି ଯାଇଥିଲେ । ୧୦ ମିନିଟ୍ ପରେ ଦିୟା ଫେରିବା ପରେ ଗାଡ଼ିର ବାମ ପଟ କାଚ ଭାଙ୍ଗି ଥିବା ସହ ଗାଡ଼ିରେ ଲୁଇସ୍ ନଥିବା ଦେଖିଥିଲେ । ଏହା ସହ ୧୦ହଜାର ଟଙ୍କା ଥିବା ପର୍ସ ମଧ୍ୟ ଗାଡ଼ିରେ ନ ଥିବା ଦିୟା ଦେଖିବାକୁ ପାଇଥିଲେ ।
ଏହି ଘଟଣା ଘଟିବା ପରେ ଦିୟା ପୁଲିସରେ ଅଭିଯୋଗ କରିବା ସହ ସୋସିଆଲ ମିଡ଼ିଆରେ ମଧ୍ୟ ଲୁଇସ୍ଙ୍କୁ ଖୋଜିବାକୁ ଅପିଲ କରିଥିବା ଦେଖାଯାଇଛି । ଏହା ସହ ଲୁଇସ୍ଙ୍କୁ ଖୋଜିବା ପାଇଁ ଦିୟା ସ୍ଥାନୀୟ ଅଞ୍ଚଳରେ ଲୁଇସ୍ଙ୍କ ଫଟୋ ଲଗାଉଥିବା ଜଣାପଡ଼ିଛି ।