ମଦ ପାଇଁ ଅର୍ଥ ନ ଯୋଗାଇ ପାରି ମଦ୍ୟପ ପୁଅକୁ ଜିଅନ୍ତା ପୋଡ଼ି ପକାଇଲେ ବାପାମାଆ
ହାଇଦ୍ରାବାଦ: ମଙ୍ଗଳବାର ରାତିରେ ତେଲେଙ୍ଗାନାର ଓ୍ଵାରାଙ୍ଗଲ ଗ୍ରାମୀଣ ଜିଲ୍ଲାରେ ଦମ୍ପତିଟିଏ ସେମାନଙ୍କର ମଦ୍ୟପ ପୁଅକୁ ଜିଅନ୍ତା ପୋଡ଼ି ପକାଇଥିବା କଥା ପୁଲିସ କହିଛି।
Sambad is now on WhatsApp
Join and get latest news updates delivered to you via WhatsApp
ମଦ୍ୟପାନ ଅଭ୍ୟାସ ଏବଂ ଅର୍ଥ ପାଇଁ ଜୁଲମ୍ କାରଣରୁ କେ. ପ୍ରଭାକର ଏବଂ ବିମଳା ୪୨ ବର୍ଷିୟ ପୁଅ କେ. ମହେଶ ଚନ୍ଦ୍ରକୁ ବାନ୍ଧି ପେଟ୍ରୋଲ୍ ଢାଳି ନିଆଁ ଲଗାଇ ଦେଇଥିଲେ।
ମଙ୍ଗଳବାର ରାତିରେ ଘଟଣାଟି ଘଟିଛି ହାଇଦ୍ରାବାଦ ଠାରୁ ପ୍ରାୟ ୨୦୦ କିଲୋମିଟର ଦୂର ଓ୍ଵାରାଙ୍ଗଲ ଗ୍ରାମୀଣ ଜିଲ୍ଲା ଅନ୍ତର୍ଗତ ମୁସ୍ଥାୟାପଲ୍ଲୀ ଗ୍ରାମରେ।
ପୁଲିସ କହିବା ଅନୁସାରେ, ମହେଶ ଅଭ୍ୟାସଗତ ମଦୁଆ। ତା’ର ଦୌରାତ୍ମ୍ୟ ସହି ନ ପାରି ତା’ ପତ୍ନୀ ଦୁଇ ମାସ ତଳୁ ବାପଘରକୁ ଚାଲିଯାଇଥିଲେ। ସେବେ ଠାରୁ ସେ ଟଙ୍କାପଇସା ଲାଗି ବାପାମାଆଙ୍କୁ ହଇରାଣ କରୁଥିଲା। ସେମାନଙ୍କୁ ମାରଧର କରୁଥିବା କଥା ମଧ୍ୟ ଗ୍ରାମବାସୀମାନେ କହିଛନ୍ତି।
ଓ୍ଵାରାଙ୍ଗଲ ଏଗ୍ରିକଲ୍ଚର୍ ମାର୍କେଟରେ କିରାନି ଭାବେ କାମ କରୁଥିବା ଗୋଟିଏ ପୁଅ ଓ ଗୋଟିଏ ଝିଅର ବାପା ମହେଶଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା। ଡାମେରା ଥାନା ପୁଲିସ ଘଟଣାସ୍ଥଳକୁ ଯାଇ ବ୍ୟବଚ୍ଛେଦ ନିମନ୍ତେ ଶବ ନେଇ ଆସିଛି। ଏ ସଂକ୍ରାନ୍ତରେ ମାମଲା ରୁଜୁ କରି ପୁଲିସ ମହେଶଙ୍କର ବାପା ଓ ମାଆଙ୍କୁ ଗିରଫ କରିଛି।