ଜଣକ ଠାରୁ ୧୫ ହଜାର ଟଙ୍କା ଲୁଟ୍‌ କରିବା ପରେ ବୁଲା କୁକୁରକୁ ଗୁଳି ମାରି ଖସି ଗଲେ ଦୁଇ ବାଇକ୍‌ ଆରୋହୀ ଦୁର୍ବୃତ୍ତ

ନୂଆଦିଲ୍ଲୀ: ରବିବାର ଦିନ ଉତ୍ତର ଦିଲ୍ଲୀରେ ପିସ୍ତଲ ଦେଖାଇ ଜଣେ ଲୋକଙ୍କୁ ଠାରୁ ଲୁଟ୍‌ପାଟ୍‌ କରି ଖସି ଯିବା ବେଳେ ଦୁଇଜଣ ବାଇକ୍‌ଆରୋହୀ ଦୁର୍ବୃତ୍ତ ଗୋଟାଏ ବୁଲା କୁକୁର ଉପରକୁ ଗୁଳି ଚଳାଇଛନ୍ତି ବୋଲି ପୁଲିସ କହୁଛି।

ଘଟନାଟି ସୀଲାମପୁର ଅଞ୍ଚଳରେ ଘଟିଛି। ଅଜ୍ଞାତ ଚୋରମାନଙ୍କୁ ଏ ଯାଏଁ ଗିରଫ କରାଯାଇ ପାରି ନ ଥିବା ବେଳେ କୁକୁରକୁ ଗୁଳି ମାରିବାର କାରଣ କ’ଣ ତାହା ଜାଣିବାକୁ ଉଦ୍ୟମ କରୁଛନ୍ତି। ଗୌତମପୁରୀରେ ଗୁଳିକାଣ୍ଡ ହୋଇଥିବା କଥା ସୀଲମପୁର ଥାନାରେ ସୂଚନା ଦିଆଯାଇଥିଲା। ଏହା ପରେ ଉକ୍ତ ଲୁଟ୍‌ ସଂକ୍ରାନ୍ତରେ ଆଉ ଗୋଟିଏ କଲ୍‌ ମଧ୍ୟ ପୁଲିସ ପାଇଥିଲା।

ଘଟନାସ୍ଥଳ ପରିଦର୍ଶନ କରି ପୁଲିସ ଦେଖିଲା ଗୋଟାଏ କୁକୁର ଗୋଡ଼ରେ ଗୁଳି ଚୋଟ ଲାଗିଛି। ତାକୁ ଉଦ୍ଧାର କରି ଚିକିତ୍ସା ନିମନ୍ତେ ପଠାଇ ଦିଆ ଯାଇଥିବା କଥା ପୁଲିସ ସୂତ୍ରରୁ ପ୍ରକାଶ।

୨୪ ବର୍ଷିୟ ରବି କୁମାରଙ୍କ ଠାରୁ ୧୫, ୦୦୦ ଟଙ୍କା ଲୁଟ୍‌ କରି ନେଇ ଦୁର୍ବୃତ୍ତମାନେ ଫେରାର ହୋଇ ଯାଇଛନ୍ତି।

ଭାରତୀୟ ପିଙ୍ଗଳ କୋଡ୍‌ ଧାରା ଅନୁସାରେ ମାମଲା ରୁଜୁ କରି ପୁଲିସ ଘଟନାର ତଦନ୍ତ କରୁଛି।