ପୁଅ ସାଙ୍ଗମାନଙ୍କ ସହ କଥା ହେବାରୁ ଦୁଇ ଝିଅଙ୍କୁ ଚିମୁଟାରେ ଚେଙ୍କ ଦେବା ସହ ବିଷ୍ଠା ଖୁଆଇଲେ ପରିବାର ଲୋକେ !
ଗୋରଖ୍ପୁର : ଉତ୍ତରପ୍ରଦେଶର ଗୋରଖ୍ପୁରରେ ଘଟିଛି ଲୋମଟାଙ୍କୁରି ଉଠିବା ଭଳି ଘଟଣା । ପରିବାର ଲୋକମାନେ ନିଜ ଝିଅମାନଙ୍କ ସହ ଯାହା କରିଛନ୍ତି ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଦୁଇ ଝିଅ କରିଥିବା ଅପରାଧ ପାଇଁ ଚିମୁଟାରେ ଚେଙ୍କ ଦେବା ସହ ମଣିଷ ମଳ ଖୁଆଇଥିଲେ ପରିବାର ଲୋକେ । ଦୁହେଁ ସ୍କୁଲରେ ନିଜ ନିଜର ପୁଅ ସାଙ୍ଗମାନଙ୍କ ସହ କଥା ହେଉଥିବାରୁ ପରିବାର ଲୋକେ ଏଭଳି ଅମାନୁଷିକ କାମ କରିଥିବା ଜଣାପଡ଼ିଛି । ତେବେ ପରିବାରର ଅତ୍ୟାଚାର ସହି ନ ପାରି ଦୁହେଁ ଘର ଛାଡ଼ି ଚାଲି ଯାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପରିବାର ତରଫରୁ ହେଉଥିବା ଅତ୍ୟାଚାରରୁ ବଞ୍ଚିବା ପାଇଁ ଦୁହେଁ ଘର ଛାଡ଼ି ଚାଲି ଯାଇଥିବା ବେଳେ ମଙ୍ଗଳବାର ସେମାନଙ୍କ ପରିବାରକୁ ଦୁହିଁଙ୍କ ପତ୍ତା ମିଳିଥିଲା । ଦୁହିଁଙ୍କୁ ନେପାଳ ସୀମାରେ ପୁଲିସ ଦେଖି ଏଠାକୁ ଆସିବାର କାରଣ ପଚାରିବା ପରେ ଦୁହେଁ ପୂରା ଘଟଣା ପୁଲିସ ଏବଂ ଶିଶୁ କଲ୍ୟାଣ ସମିତିକୁ ଜଣାଇଥିଲେ । ଏହା ପରେ ପୁଲିସ ଗୋରଖ୍ପୁର ପୁଲିସକୁ ସୂଚନା ଦେଇଥିଲା । ଗୋରଖ୍ପୁର ପୁଲିସ ସୂଚନା ପାଇ ଦୁଇ ପୀଡ଼ିତାଙ୍କ ପରିବାର ଲୋକଙ୍କୁ ନେପାଳ ଯାଇ ସେମାନଙ୍କୁ ଆଣିବା ପାଇଁ କହିଥିଲେ । ଦୁହିଁଙ୍କ ପରିବାର ଲୋକେ ସେଠାରେ ପହଞ୍ଚିବା ପୂର୍ବରୁ ନେପାଳର ଏକ ଏନ୍ଜିଓ ଦୁହିଁଙ୍କୁ ପୁଣି ଥରେ ଅତ୍ୟାଚାରୀ ପରିବାର ପାଖକୁ ଯିବାରୁ ବଞ୍ଚାଇଥିବା ସହ ପୁଲିସରେ ପରିବାର ବିରୋଧରେ ଅଭିଯୋଗ ଆଣିଥିଲା । ଅନ୍ୟ ପକ୍ଷରେ, ପୁଲିସ ଏବେ ଅଭିଯୋଗକୁ ପାଇ ତଦନ୍ତ ଆରମ୍ଭ କରିଛି ।