ଅନ୍ତସତ୍ତ୍ୱା ପତ୍ନୀଙ୍କୁ ଧରି ଡାକ୍ତରଖାନାକୁ ଯାଉଥିବା ବେଳେ ଆତ୍ମହତ୍ୟା ଉଦ୍ୟମ କଲେ ସ୍ୱାମୀ

ନୂଆଦିଲ୍ଲୀ: ଗୁରୁଗ୍ରାମର ରାମପୁରା ଫ୍ଲାଏ ଓଭର ନିକଟରେ ଏକ ଅଭାବନୀୟ ଘଟଣା ଘଟିଯାଇଛି। ଅନ୍ତସତ୍ତ୍ୱା ପତ୍ନୀଙ୍କୁ ଧରି ଚିକିତ୍ସା ପାଇଁ ଡାକ୍ତରଖାନା ଯାଉଥିବା ବେଳେ ସ୍ୱାମୀ ଆତ୍ମହତ୍ୟା ଉଦ୍ୟମ କରିଥିବା ପୁଲିସ ସୂତ୍ରରୁ ପ୍ରକାଶ।

ପ୍ରକାଶିତ ରିପୋର୍ଟ ମୁତାବକ, ଦମ୍ପତି ରାହୁଲ ଓ ରୋହିଣୀ (ଛଦ୍ମନାମ) ଫରିଦାବାଦରୁ ଆସି ପାଞ୍ଚ ମାସ ପୂର୍ବେ ଗୁରୁଗ୍ରାମରେ ବସବାସ କରୁଛନ୍ତି। ରାହୁଲଙ୍କ ପତ୍ନୀ ରୋହିଣୀ ସାତ ମାସର ଗର୍ଭବତୀ ଥିବା ହେତୁ ନିୟମିତ ଯାଞ୍ଚ ପାଇଁ ଚିକିତ୍ସାଳୟକୁ ଯାଉଥିଲେ। ଏହି ସମୟରେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଯୁକ୍ତିତର୍କ ଆରମ୍ଭ ହୋଇ ଯାଇଥିଲା । ପୁରୁଷ ଜଣକ ତାଙ୍କ ପତ୍ନୀଙ୍କୁ ତାଙ୍କ ପିତାମାତାଙ୍କ ଘରେ ଛାଡ଼ିବାକୁ ଚାହୁଁଥିଲେ, କିନ୍ତୁ ରୋହିଣୀ ସେଠାକୁ ଯିବାକୁ ଚାହୁଁ ନଥିଲେ। ଏଥିରେ ରାଗି ଯାଇ ରାହୁଲ ବନ୍ଧୁକ ବାହାର କରି ନିଜ ଉପରକୁ ଗୁଳି ଚଳାଇ ଦେଇଥିଲେ। ଏହି ଗୁଳି ରାହୁଲଙ୍କ ମୁଣ୍ଡ ଭିତର ଦେଇ ରୋହିଣୀଙ୍କ ବେକରେ ଆସି ବାଜି ଥିଲା।

തര്‍ക്കത്തിനിടെ യുവാവ് സ്വയം ...
kvartha

ଏହାପରେ ଦୁହିଁଙ୍କ ଶରୀରରୁ ରକ୍ତସ୍ରାବ ହେବାକୁ ଲାଗିଥିଲା। ସେହି ବାଟ ଦେଇ ଯାଉଥିବା କିଛି ଯାତ୍ରୀ ଦମ୍ପତିଙ୍କ ଏଭଳି ଅବସ୍ଥା ଦେଖି ଘଟଣାସ୍ଥଳରୁ ଉଦ୍ଧାର କରି ନିକଟସ୍ଥ ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଦୁହିଁଙ୍କ ସ୍ୱାସ୍ଥ୍ୟାବସ୍ଥା ଶୋଚନୀୟ ହେବାରୁ ଡାକ୍ତର ଦୁହିଁଙ୍କୁ ଦିଲ୍ଲୀର ସଫଦରଜାଙ୍ଗ ହସ୍ପିଟାଲକୁ ସ୍ଥାନାନ୍ତର କରି ଦେଇଥିଲେ। ଚିକିତ୍ସା ପରେ ରୋହିଣୀଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଥିବା ବେଳେ ସ୍ୱାମୀ ରାହୁଲ ମୃତ୍ୟୁ ସହ ସଂଗ୍ରାମ କରୁଛନ୍ତି। ରାହୁଲଙ୍କ ନାମରେ ପୁଲିସ ଥାନାରେ ଏକ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି।

ସମ୍ବନ୍ଧିତ ଖବର