ଫେସ୍ବୁକ୍ରେ ବନ୍ଧୁତା ହେବା ପରେ ହୋଟେଲ ରୁମ୍କୁ ଡ଼ାକି ଦୁଷ୍କର୍ମ କଲେ ପୀଡ଼ିତାଙ୍କ ବନ୍ଧୁ ଓ ତାଙ୍କ ଭାଇ, ପ୍ରସ୍ତୁତ କଲେ ଅଶ୍ଲୀଳ ଭିଡିଓ
ମୁଜାଫରନଗର : ଉତ୍ତରପ୍ରଦେଶର ଶମ୍ଲିରେ ଜଣେ ମହିଳା ଦୁଇ ଭାଇଙ୍କ ଦ୍ୱାରା ଦୁଷ୍କର୍ମର ଶିକାର ହୋଇଥିବା ଜଣାପଡ଼ିଛି । ପୀଡ଼ିତାଙ୍କ ସହ ଦୁଷ୍କର୍ମ କରିବା ପରେ ବ୍ଲାକ୍ମେଲ କରିବା ପାଇଁ ଦୁଇ ଭାଇ ପୀଡ଼ିତାଙ୍କ ଅଶ୍ଲୀଳ ଭିଡିଓ ଉତ୍ତୋଳନ କରିଥିଲେ ବୋଲି ଅଭିଯୋଗ ଆଣିଛନ୍ତି ପୀଡ଼ିତା । ଅଭିଯୋଗ ପାଇଁ ପରେ ପୁଲିସ ଅଭିଯୁକ୍ତ ଏବଂ ତାଙ୍କର ୧୦ଜଣ ସଂପର୍କୀୟଙ୍କ ବିରୋଧରେ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୨୩ ବର୍ଷୀୟ ପୀଡ଼ିତା ଫେସ୍ବୁକ୍ ମାଧ୍ୟମରେ ସୋନୁ ନାମକ ଜଣେ ଯୁବକଙ୍କ ସହ ବନ୍ଧୁତା ସ୍ଥାପନ କରିଥିଲେ । ଧିରେ ଧିରେ ଦୁହିଁଙ୍କ ମଧ୍ୟରେ ପ୍ରେମ ସଂପର୍କ ଆରମ୍ଭ ହୋଇଥିବା ବେଳେ ସୋନୁ ପୀଡ଼ିତାଙ୍କୁ ଦେଖା କରିବାକୁ ଡ଼ାକି ଜୋର ଜବରଦସ୍ତ ଏକ ହୋଟେଲକୁ ନେଇ ଯାଇଥିଲେ । ଯାହା ପରେ ସେ ଏବଂ ତାଙ୍କ ଭାଇ ମିଶି ପୀଡ଼ିତାଙ୍କ ସହ ଦୁଷ୍କର୍ମ କରିଥିଲେ । ଦୁଷ୍କର୍ମ କରିବା ସହ ସୋନୁ ପୀଡ଼ିତାଙ୍କ ଦୁଷ୍କର୍ମ ସମୟର ଭିଡିଓ ତିଆରି କରି ବ୍ଲାକ୍ମେଲ କରିଥିଲେ । ଦୁଷ୍କର୍ମ ପରେ ସୋନୁ ପୀଡ଼ିତାଙ୍କୁ ବିବାହ କରିବା ପାଇଁ ଚାପ ପକାଇବା ସହ ବିବାହ ନ କଲେ ଭିଡିଓ ଭାଇରାଲ କରିବାର ଧମକ ଦେଇଥିଲେ । କିନ୍ତୁ ପୀଡ଼ିତା ନ ଡ଼ରି ସେଠାରୁ ଆସିବା ପରେ ସିଧା ପୁଲିସ ଷ୍ଟେସନ ଯାଇ ଅଭିଯୋଗ କରିଥିଲେ ।