ଚିକିତ୍ସା ଆଳରେ ମହିଳା ରୋଗୀଙ୍କ ସହ ଶାରୀରିକ ସଂପର୍କ ରଖୁଥିଲେ ଡାକ୍ତର, ଭାଇରାଲ ହେଲା ୨୫ଟି ଭିଡିିଓ, ଡାକ୍ତର ଫେରାର୍
ବଡ଼ୋଦରା : ଗୁଜୁରାଟର ବଡ଼ୋଦରାର ଅନଗଡ଼ ଗାଁରେ କ୍ଳିନିକ୍ ଚଲାଉଥିବା ଜଣେ ଡ଼ାକ୍ତରଙ୍କ କଳା କାରନାମା ଏବେ ସାମ୍ନାକୁ ଆସିଛି । ଚିକିତ୍ସା ଆଳରେ ଗାଁର ମହିଳାମାନଙ୍କ ସହ ଶାରୀରିକ ସଂପର୍କ ରଖୁଥିବାର ୨୫ଟି ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ୍ ହୋଇ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି । ଭିଡ଼ିଓ ଭାଇରାଲ ହେବା ପରେ ଗିରଫ ହେବା ଡ଼ରରେ ଡ଼ାକ୍ତର ଜଣଙ୍କ ଫେରାର ଥିବା ଜଣାପଡ଼ିଛି । କେହି ଜଣେ ଡ଼ାକ୍ତରଙ୍କ ଅନୈତିକ କାର୍ଯ୍ୟ ବିଷୟରେ ଜାଣି ଷ୍ଟିଙ୍ଗ ଅପରେସନ କରିବା ପରେ ଏହି ଘଟଣାଟି ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗାଁରେ ଥିବା ଗରିବ ମହିଳାମାନଙ୍କର ଚିକିତ୍ସା ପାଇଁ ଡ଼ାକ୍ତର ପ୍ରତୀକ୍ ଯୋଶୀ ଅନଗଡ଼ ଗ୍ରାମରେ ଏକ କ୍ଲିନିକ୍ ଖୋଲିଥିଲେ । କିନ୍ତୁ କାହାକୁ ଜଣା ନ ଥିଲା ଚିକିତ୍ସା କରିବା ଆଳରେ ଡ଼ାକ୍ତର ଯୋଶୀ ନିଜ ଯୌନ ଲାଳସାକୁ ପୂର୍ଣ୍ଣ କରୁଥିଲେ । ମହିଳାମାନେ ମଧ୍ୟ ଏ ନେଇ ଅଭିଯୋଗ କରି ନ ଥିଲେ। ଏ ପର୍ଯ୍ୟନ୍ତ ୬ ଜଣ ମହିଳାଙ୍କ ସହ ଡ଼ାକ୍ତର ଯୋଶୀ ଶାରୀରିକ ସଂପର୍କ ରଖିଥିବା ସାମ୍ନାକୁ ଆସିଛି । ଅନ୍ୟ ପକ୍ଷରେ ଭିଡ଼ିଓରେ ଦେଖା ଯାଇଥିବା ମହିଳା ଏନେଇ ପୁଲିସରେ ଅଭିଯୋଗ କରି ନଥିବାରୁ ପୁଲିସ ମଧ୍ୟ ଏ ନେଇ କୌଣସି ପଦକ୍ଷେପ ନେଇ ନ ଥିବା ଜଣାପଡ଼ିଛି ।