ଚଣ୍ଡିଗଡ଼ : ଏଇ କିଛି ଦିନ ମଧ୍ୟରେ ଦୁଷ୍କର୍ମ ଏବଂ ଅସଦାଚରଣର ମାମଲା କମ ହେବା ପରିବର୍ତ୍ତେ ବଢ଼ିବାରେ ଲାଗିଛି । ଏ ନେଇ ବିଭିନ୍ନ ଆଇନ୍ ଏବଂ ଦୋଷୀକୁ ଦଣ୍ଡ ଦିଆଯାଉଥିବା ବେଳେ ଏ ସମସ୍ୟା କମିବା ପରିବର୍ତ୍ତେ ବଢ଼ିବାରେ ଲାଗିଛି । ଏବେ ଘର ବାହାରେ, ଭିତରେ ଏମିତି କି ସ୍କୁଲରେ ମଧ୍ୟ ପିଲାମାନେ ସୁରକ୍ଷିତ ନାହାନ୍ତି । ସେଭଳି ଏକ ଘଟଣା ଦେଖିବାକୁ ମିଳିଛି ହରିୟାଣାର ରେଓ୍ଵାରି ଗ୍ରାମରେ । ରେଓ୍ଵାରିରେ ରହୁଥିବା ଜଣେ ନାବାଳିକା ଭଲିବଲ ଖେଳଳିଙ୍କ ସହିତ ଦେଢ଼ ବର୍ଷ ଧରି ଦୁଷ୍କର୍ମ କରାଯାଉଥିବା ଘଟଣା ଏବେ ସମସ୍ତଙ୍କୁ ଅଶ୍ଚର୍ଯ୍ୟ କରିଛି । ସବୁଠାରୁ ଅଶ୍ଚର୍ଯ୍ୟର କଥା ହେଉଛି ନାବାଳିକା ସହ ଆଉ କେହି ନୁହଁ ବରଂ ତାଙ୍କର କୋଚ୍ ଏଭଳି ଅପରାଧ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଦେଢ଼ ବର୍ଷ ଦୁଷ୍କର୍ମର ଶିକାର ହୋବ ପରେ ଯେତେବେଳେ ପୀଡ଼ିତା ମନା କରିଥିଲେ ସେ ସମୟରେ ମାରିବାର ଧମକ ଦେଇଥିଲେ କୋଚ୍ ଗୌରବ ଦେଶଓ୍ଵାଲ । ଦେଢ଼ ବର୍ଷ ଚୁପ୍ ରହିବା ପରେ ମାରିବାର ଧମକ ପାଇ ସେ ଶେଷରେ ପୁଲିସ ଆଗରେ ଅଭିଯୋଗ କରିଥିଲେ । ପୀଡ଼ିତା ଦେଇଥିବା ଲିଖିତ ଅଭିଯୋଗରେ ଅଭିଯୁକ୍ତ ପୀଡ଼ିତାଙ୍କୁ ଗୁରୁଗ୍ରାମ, ରୋହ୍ତକ୍ ଏବଂ ଅନ୍ୟ କିଛି ସ୍ଥାନକୁ ନେଇ ଦୁଷ୍କର୍ମ କରିଥିଲେ ଗୌରବ । ଏହି ଅଭିଯୋଗ ପାଇବା ପରେ ପୋସ୍କ ଆକ୍ଟ ଅନୁଯାୟୀ ମାମଲା ରୁଜୁ କରାଯାଇଥିବା ବେଳେ ଗୌରବଙ୍କୁ ଖୋଜିବା ଆରମ୍ଭ କରିଛି ପୁଲିସ ।