ବିବାହର ୨୧ ବର୍ଷ ପରେ ୩ଟି ସନ୍ତାନର ବାପା ହୋଇ ସାରିଥିବା ବ୍ୟକ୍ତିଙ୍କୁ ତୁମେ ବାପା ହେବାକୁ ଅକ୍ଷମ ବୋଲି କହିଲେ ଡ଼ାକ୍ତର, ତା’ ପରେ..
ନୂଆଦିଲ୍ଲୀ : ବ୍ରିଟେନରେ ଏକ ଅଜବ ଘଟଣା ସାମ୍ନାକୁ ଆସିଛି । ୨୧ ବର୍ଷ ପରେ ଜଣେ କୋଟିପତିଙ୍କୁ ତାଙ୍କ ସ୍ତ୍ରୀ କହିଥିବା ମିଛ ସାମ୍ନାକୁ ଆସିଯିବା ପରେ ତାଙ୍କ ଜୀବନର ସବୁ ଖୁସୀ ମଉଳି ଯାଇଛି । ସେ ଯାହାକୁ ନିଜର ସନ୍ତାନ ବୋଲି ଭାବୁଥିଲେ, ସେ ପ୍ରକୃତରେ ଆଉ କାହାର ବୋଲି ଜାଣି ହତବାକ୍ ହୋଇଯାଇଛନ୍ତି କୋଟିପତି । ଏହି ୫୫ ବର୍ଷୀୟ ବ୍ୟକ୍ତି ନିଜ ସହ ଧୋକା ହେବା ପରେ ନ୍ୟାୟ ପାଇଁ ଅଦାଲତରେ ପହଞ୍ଚିଥିଲେ । କିନ୍ତୁ ପ୍ରଥମେ ବିଚାରପତି ତାଙ୍କ ଅଭିଯୋଗକୁ ଗ୍ରହଣ କରି ନ ଥିବା ବେଳେ ପରେ ଡ଼ାକ୍ତରୀ ରିପୋର୍ଟ ଦେଖି ସେ ଆଶ୍ଚର୍ଯ୍ୟ ହୋଇ ଯାଇଥିଲେ । ସବୁ ଜଣା ପଡ଼ିବା ପରେ ଅଦାଲତ ରିଚାର୍ଡ଼ ମେସନ୍ଙ୍କ ପତ୍ନୀଙ୍କୁ ଜରିମାନା ଆକାରରେ ୨୨କୋଟି ଟଙ୍କା ଦେବା ପାଇଁ ଆଦେଶ ଦେଇଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରିଚାର୍ଡ଼ ମେସନ୍ ଏବଂ ତାଙ୍କ ପତ୍ନୀ କ୍ୟାଟ୍ ୩ଟି ସନ୍ତାନ ଜନ୍ମ ହେବା ପରେ ୨୦୦୬ରେ ପରସ୍ପରଠାରୁ ଅଲଗା ହେବା ସହ ରିଚାର୍ଡ଼ କ୍ୟାଟ୍ଙ୍କୁ ଭରଣପୋଷଣ ରାଶି ଦେଇଥିଲେ । ୨୦୧୬ରେ ରିଚାର୍ଡ଼ଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିବା ପରେ ସେ ପିଲା ଜନ୍ମ କରିବାରେ ଅକ୍ଷମ ବୋଲି ଡ଼ାକ୍ତର ତାଙ୍କୁ ଜଣାଇଥିଲେ । ଏ କଥା ଜାଣିବା ପରେ ୩ଟି ସନ୍ତାନର ବାପା ହେବା କିପରି ସମ୍ଭବ ବୋଲି ଭାବି ସେ ଚିନ୍ତାରେ ପଡ଼ି ଯାଇଥିଲେ । ପରେ ସେ କ୍ୟାଟ୍ଙ୍କ ଉପରେ ସନ୍ଦେହ କରି ତଦନ୍ତ କରିବା ପରେ ସେ ଅନ୍ୟ ଜଣେ ପୁରୁଷ ସହ ଅନୈତିକ ସଂପର୍କ ରଖିବା କଥା ଜଣା ପଡ଼ିଥିଲା । ସବୁ ଜାଣି ରିଚାର୍ଡ଼ ଅଦାଲତକୁ ଯାଇ ନ୍ୟାୟ ଭିକ୍ଷା କରିବା ପରେ କ୍ୟାଟ୍ଙ୍କୁ ୨୨କୋଟି ଟଙ୍କା ଦେବା ପାଇଁ ଅଦାଲତ ଆଦେଶ ଦେଇଥିବା ଜଣାପଡ଼ିଛି ।