ଗୁରୁଗ୍ରାମ: ସ୍ୱାମୀ ନାମରେ ନକଲି ଫେସ୍ବୁକ୍ ପ୍ରୋଫାଇଲ ବନାଇ କମ୍ପାନିର ପରିଚାଳକ ଓ ସହକର୍ମୀଙ୍କୁ ସ୍ତ୍ରୀ ଆପତ୍ତିଜନକ ଫଟୋ ପଠାଇବାର ଏକ ଘଟଣା ସାମ୍ନାକୁ ଆସିଛି। ଫଳରେ କମ୍ପାନି ସ୍ୱାମୀଙ୍କୁ ଛଟେଇ କରିଦେଇଛି। ଏହି ଦମ୍ପତ୍ତିଙ୍କର ଛାଡପତ୍ର ଏବେ ମାମଲା କୋର୍ଟରେ ଚାଲିଛି।
Sambad is now on WhatsApp
Join and get latest news updates delivered to you via WhatsApp
ପ୍ରାଥମିକ ଯାଞ୍ଚରୁ ଜଣାପଡ଼ିଛି କି, ଗୁରୁଗ୍ରାମ ସେକ୍ଟର-୧୮ ଥାନା ପୁଲିସ ଆଇଟି ଆକ୍ଟ ଅଧିନରେ ଏଫଆଇଆର ରୁଜୁ କରିିଛି । ପୁଲିସ ସୂତ୍ରରୁ ପ୍ରକାଶ, ଅଭିଷେକ ୨୦୧୪ରେ ଗୁରୁଗ୍ରାମର ଏକ ଘରୋଇ କମ୍ପାନିରେ ଚାକିରି କରୁଥିଲେ। ୨୦୧୧ତାଙ୍କର ବିବାହ ହୋଇଥିଲା। ବିବାହର କିଛିଦିନ ଭିତରେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ କଳହ ଆରମ୍ଭ ହୋଇଯାଇଥିଲା। ଅଭିଯୋଗ ହୋଇଛି କି, ୨୦୧୬ରେ ପତ୍ନୀ ଅଭିଷେକଙ୍କ ନାମରେ ନକଲି ଫେସ୍ବୁକ୍ ଆକାଉଣ୍ଟ ଖୋଲିଥିଲେ। ଏହି ନକଲି ଆଇଡି ଜରିଆରେ ସ୍ୱାମୀଙ୍କ କମ୍ପାନିର ସହକର୍ମୀ ଓ ବରିଷ୍ଠ କର୍ମଚାରୀଙ୍କୁ ପତ୍ନୀ ଆପତ୍ତିଜନକ ଫଟୋ ଓ ମେସେଜ ପଠାଇଥିଲେ। କେବଳ ଏତିକି ନୁହେଁ, ଫେସ୍ବୁକ୍ ମେସେଞ୍ଜର ଜରିଆରେ କଲ କରି ବିଭିନ୍ନ ଅଶ୍ଳୀଳ କଥା କହିଥିଲେ।
ଯୁବକଙ୍କ କହିବାନୁସାରେ, ଏହି ସବୁ କାରଣରୁ କମ୍ପାନି ତାଙ୍କୁ ଚାକିରିରୁ ବାହାର କରିଦେଇଛି। ଏ ନେଇ ପୁଲିସରେ ଅଭିଯୋଗ ମଧ୍ୟ କରିଛି। ସେକ୍ଟର-୧୮ ଥାନା ଏସ୍ଏଚଓ ଇନ୍ସପେକ୍ଟର ଚନ୍ଦ୍ରପ୍ରକାଶ କହିଛନ୍ତି, ପ୍ର୍ରାଥମିକ ଯାଞ୍ଚରୁ ଘଟଣାର ସତ୍ୟ ପ୍ରମାଣିତ ହେବାରୁ ଅଭିଷେକଙ୍କ ପତ୍ନୀ ବିରୋଧରେ ମାମଲା ରୁଜୁ କରି ଦିଆଯାଇଛି। ଏଥିସହ ଅଭିଷେକ ପତ୍ନୀଙ୍କୁ ଛାଡ଼ପତ୍ର .ଦେବାଲାଗି ମାମଲା କରିଛନ୍ତି।