ନୋଏଡ଼ା : ନୋଏଡ଼ାରେ ପୁଣି ଜଣେ ମହିଳା ଦୁଷ୍କର୍ମର ଶିକାର ହୋଇଥିବା ଜଣା ପଡ଼ିଛି । ନିଜ କାର୍ଯ୍ୟସ୍ଥଳରୁ ଘରକୁ ଫେରୁଥିବା ବେଳେ ସେ ଦୁଷ୍କର୍ମର ଶିକାର ହୋଇଥିଲେ ବୋଲି ଅଭିଯୋଗ ହୋଇଛି । ଓଲା କ୍ୟାବ୍ ଚାଳକ ତାଙ୍କୁ ଘରେ ଛାଡ଼ିବା ପରିବର୍ତ୍ତେ ତାଙ୍କ ସାଥୀ ସହ ଜଙ୍ଗଲରେ ଏକା ଛାଡ଼ି ଦେଇଥିଲେ । ଚାଳକଙ୍କ ସାଥୀ ମହିଳାଙ୍କୁ ଜଙ୍ଗଲ ଭିତରକୁ ନେଇ ଦୁଷ୍କର୍ମ କରିଥିବା ବେଳେ ନିଜର ଜୀବନ ବଞ୍ଚାଇ ସେ ସେଠାରୁ ଚାଲି ଆସି ପୁଲିସରେ ଅଭିଯୋଗ କରିଥିଲେ । ଅଭିଯୋଗ ପାଇବା ପରେ ପୁଲିସ ତଦନ୍ତ ଆରମ୍ଭ କରିଥିବା ବେଳେ ପୀଡ଼ିତାଙ୍କୁ ଡ଼ାକ୍ତରୀ ପରୀକ୍ଷା ପାଇଁ ପଠାଇ ଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନୋଏଡା ସେକ୍ଟର ୧୨୬ରେ ଏକ କଲ ସେଣ୍ଟରରେ କାମ କରୁଥିବା ମହିଳା ଜଣଙ୍କ ଘରକୁ ଯିବା ପାଇଁ ଓଲା ବୁକ୍ କରିଥିଲେ । ଗାଡ଼ି ପହଞ୍ଚିବା ପରେ ଗାଡ଼ି ମଧ୍ୟରେ ଚାଳକଙ୍କ ସମେତ ଆଉ ଜଣେ ମଧ୍ୟ ବସିଥିଲେ । ପୀଡ଼ିତା ଜଣଙ୍କ ଏହା ଦେଖି ଯିବା ପାଇଁ ମନା କରିବାରୁ ଯୁବକ ଜଣଙ୍କ ଆଗ ଛକରେ ଓଲ୍ହାଇଯିବେ ବୋଲି ଚାଳକ କହିଥିଲେ । ଏହା ଜାଣି ପୀଡ଼ିତା ଜଣଙ୍କ ଗାଡ଼ିରେ ବସିଥିଲେ । ଗାଡ଼ି କିଛି ବାଟ ଯିବା ପରେ ଚାଳକ ଏବଂ ତାଙ୍କ ସାଥୀ ପୀଡ଼ିତାଙ୍କୁ ନିଶା ଦେବା ସହ ଏକ ଜଙ୍ଗଲକୁ ନେଇ ଯାଇଥିଲେ । ସେଠାରେ ଓଲା ଚାଳକ ଦୁଇ ଜଣଙ୍କୁ ଏକା ଛାଡ଼ି ପଳାଇଥିଲେ । ଚାଳକଙ୍କ ସାଥୀ ପୀଡ଼ିତାଙ୍କୁ ଜଙ୍ଗଲ ମଧ୍ୟକୁ ନେଇ ତାଙ୍କ ସହ ଦୁଷ୍କର୍ମ କରିବା ସହ ତାଙ୍କୁ ମାରିବାକୁ ମଧ୍ୟ ଚେଷ୍ଟା କରିଥିଲେ । କିନ୍ତୁ ପୀଡ଼ିତା ଜଣଙ୍କ ନିଜ ଜୀବନ ବଞ୍ଚାଇ ସେଠାରୁ ଖସି ଚାଲି ଆସି ପୁଲିସରେ ଅଭିଯୋଗ କରିଥିଲେ ।