ନିଜକୁ ଇଂରାଜୀ ନିଉଜ୍ ଚ୍ୟାନେଲର ଉପାଧ୍ୟକ୍ଷ କହି ବ୍ୟବସାୟୀଙ୍କୁ ଲୁଟିଥିଲେ ମହିଳା, ଶେଷରେ ଧରାପଡ଼ିଲେ
ନୂଆଦିଲ୍ଲୀ : ଦିଲ୍ଲୀର ଦୁଇ ଜଣ ବ୍ୟବସାୟୀଙ୍କଠାରୁ ଲକ୍ଷ ଲକ୍ଷ ଟଙ୍କା ଠକି ନେଇଥିବା ଅଭିଯୋଗରେ ଜଣେ ମହିଳାଙ୍କୁ ଗିରଫ କରିବାରେ ସଫଳ ହୋଇଛି ପୁଲିସ । କିଛି ଦିନ ତଳେ ଦିଲ୍ଲୀର ଜଣେ ବ୍ୟବସାୟୀ ଦିଲ୍ଲୀ କ୍ରାଇମ୍ ବ୍ରାଞ୍ଚରେ ୩୦ଲକ୍ଷ ଟଙ୍କାର ଠକାମିର ଶିକାର ହୋଇଥିବା ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ତଦନ୍ତ କରି ଅଭିଯୁକ୍ତ ମହିଳାଙ୍କୁ ଧରିବାରେ ସଫଳ ହୋଇଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଭିଯୁକ୍ତ ମହିଳା ନିଜକୁ ଏକ ଇଂରାଜୀ ନିଉଜ ଚ୍ୟାନେଲର ଉପାଧ୍ୟକ୍ଷ କହି ଘରୋଇ ଏବଂ ଅନ୍ତଃରାଷ୍ଟ୍ରୀୟ ଟିକେଟ ଏବଂ ହୋଟେଲରେ ରୁମ୍ ବୁକ୍ କରିଥିଲେ । କିନ୍ତୁ ଟଙ୍କା ଦେବାକୁ କହିବା ପରେ ସେ ଆଜି କାଲି କହି ଟଙ୍କା ଦେଉ ନଥିଲେ । ପରେ ବ୍ୟବସାୟୀ ରବି ପଟେଲ ମହିଳା ଜଣଙ୍କ କହିଥିବା ନିଉଜ୍ ଚ୍ୟାନେଲକୁ ଯିବା ପରେ ସେଠାରେ ସେ ନାମରେ କୌଣସି ମହିଳା କାମ କରୁ ନ ଥିବା ଜାଣିବାକୁ ପାଇଥିଲେ । ପରେ ସେ ଠକାମିର ଶିକାର ହୋଇଥିବା ଜାଣି ପୁଲିସ ଆଗରେ ଅଭିଯୋଗ କରିଥିଲେ । ଏହା ପ୍ରଥମ ନୁହେଁ, ଏହା ପୂର୍ବରୁ ୨୦୧୨ରେ ସେ ଜଣେ ବ୍ୟବସାୟୀଙ୍କୁ ଠକି ଥିବାରୁ ୩ ମାସ ଜେଲ ଦଣ୍ଡ ଭୋଗିଥିଲେ । ଅଭିଯୁକ୍ତ ମହିଳା ଜଣେ ଇଞ୍ଜିନିୟରିଂ ଛାତ୍ରୀ ହୋଇଥିବା ବେଳେ ଇଞ୍ଜିନିୟରିଂ ପାଠ ସେ ଅଧାରୁ ଛାଡ଼ି ଦେଇଥିଲେ । ପରେ ତାଙ୍କର ଶୀଘ୍ର ବଡ଼ ଲୋକ ହେବାକୁ ଇଚ୍ଛା ଥିବାରୁ ବଡ଼ ବଡ଼ ବ୍ୟବସାୟୀଙ୍କୁ ଠକିବାର କାମ ଆରମ୍ଭ କରିଥିଲେ ।