ମୁମ୍ବାଇ: ପାଖାପାଖି ଏକ ମାସ ହେବ ଘର ଛାଡ଼ି ଯାଇଥିବା ଜଣେ ମହିଳାଙ୍କ ସ୍ୱାମୀ ତାଙ୍କ ଅଫସରେ ପହଞ୍ଚି ହତ୍ୟା କରିଥିବା ମାମଲା ସାମ୍ନାକୁ ଆସିଛି। ସ୍ୱାମୀ ପୁଲିସ ନିକଟକୁ ଯାଇ ନିଜ ଦୋଷକୁ ସ୍ୱୀକାର କରି ନେଇଥିଲା। ପୁଲିସ ପତ୍ନୀ ହତ୍ୟାକାରୀଙ୍କୁ ଗିରଫ କରି ନେଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଭାଇଦରରେ ବସବାସ କରୁଥିବା କୁମାର ଭୋଇର ଓ ପତ୍ନୀ ବିଣାଙ୍କ ୧୪ବର୍ଷ ପର୍ବେ ପ୍ରେମ ବିବାହ ହୋଇଥିଲା। ସ୍ୱାମୀକୁ ନିଜ ପତ୍ନୀଙ୍କ ଚରିତ୍ର ଉପରେ ସନ୍ଦେହ ହୋଇଥିଲା। ଏହାକୁ ନେଇ ଦୁହିଁଙ୍କ ମଧ୍ୟରେ ଅନେକ ଦିନ ହେବ ଝଗଡ଼ା ଲାଗି ରହିଥିଲା। ଫଳରେ ବିଣା ଜାନୁଆରି ୨ ତାରିଖରେ ଘର ଛାଡ଼ି ଏକାକି ରହୁଥିଲା। ଆଜି ସକାଳ ୧୦.୩୦ରେ କୁମାର ପତ୍ନୀ ବିଣାଙ୍କ ଅଫିସରରେ ପହଞ୍ଚିଥିଲା। ସେଠାରେ ଦୁହିଁଙ୍କ ମଧ୍ୟରେ ଝଗଡ଼ା ହୋଇଥିଲା। ଏଥିରେ କୁମାର ରାଗି ଯାଇ ବିଣାକୁ ୧୬ଥର ଛୁରାମାଡ କରିଥିଲା। ଫଲରେ ପତ୍ନୀ ସ୍ୱାମୀଙ୍କ ଛୁରାମାଡରେ ତଳେ ପଡ଼ି ଯାଇଥିଲା। ଅଫିସର ଲୋକମାନେ ବିଣାକୁ ସେଠାରୁ ଉଦ୍ଧାର କରି ଡାକ୍ତରଖାନା ନେଇଥିଲେ। ଡାକ୍ତର ସେଠାରେ ବିଣାକୁ ମୃତ ବୋଲି ଘୋଷଣା କରିଥିଲେ।