ଚାକିରି ଦେବାକୁ ଡ଼ାକି ମହିଳାଙ୍କୁ ଚଳନ୍ତା ଗାଡ଼ିରେ ଗଣଦୁଷ୍କର୍ମ : ଗାଡ଼ିରୁ ପୀଡ଼ିତାଙ୍କ ଶିଶୁକୁ ଫିଙ୍ଗିଲେ ଦୁଷ୍କର୍ମକାରୀ
ମୁଜାଫରନଗର : ଚାକିରି ଦେବାର ପ୍ରତିଶ୍ରୁତି ଦେଇ ମହିଳାଙ୍କ ବିଶ୍ୱାସରେ ବିଷ ଦେଲେ ଅଭିଯୁକ୍ତ । ଚାକିରି କରାଇଦେବା ବାହାନାରେ ମହିଳାଙ୍କୁ ଡ଼ାକି ତାଙ୍କ ସହ ଗଣଦୁଷ୍କର୍ମ କରିଥିଲେ ଦୁଇ ଦୁର୍ବୃତ୍ତ । ଏହା ସହ ମହିଳାଙ୍କ ସାଥିରେ ଥିବା ତାଙ୍କ ଶିଶୁକୁ ଚଳନ୍ତା ଗାଡ଼ିରୁ ଫିଙ୍ଗି ଦେଇଥିଲେ ଦୁଇ ଅଭିଯୁକ୍ତ । ଏହି ଘଟଣାଟି ଦିଲ୍ଲୀ-ଡ଼େରାଡ଼ୁନ୍ ହାଇେଓ୍ଵରେ ଘଟିଥିବା ବେଳେ ଶିଶୁକୁ ଆହତ ଅବସ୍ଥାରେ ଡ଼ାକ୍ତରଖାନାରେ ଭର୍ତ୍ତି କରାଯାଇଥିବା ଜଣାପଡ଼ିଛି । ଅନ୍ୟପକ୍ଷରେ ଅଭିଯୁକ୍ତମାନେ ଦୁଷ୍କର୍ମ ପରେ ପୀଡ଼ିତାଙ୍କୁ ଏକ ଜନଶୂନ୍ୟ ସ୍ଥାନରେ ଛାଡ଼ି ପଳାଇଥିଲେ । ଚେତା ଫେରିବା ପରେ ପୀଡ଼ିତା ଜଣଙ୍କ ପୁଲିସ ଷ୍ଟେସନ ଯାଇ ପୁରା ଘଟଣା ବିଷୟରେ ଜଣାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ସୋମବାର ସଂନ୍ଧ୍ୟାରେ ଆର୍କେ ମେହେତା ନାମକ ଜଣେ ଯୁବକ ତାଙ୍କୁ ଫୋନ କରି ଚାକିରି ଦେବେ ବୋଲି କହି ଡ଼କାଇଥିଲେ । ଘରେ ତାଙ୍କ ଛୋଟ ପିଲାର ଦେଖା ଶୁଣା କରିବା ପାଇଁ କେହି ନ ଥିବାରୁ ପୀଡ଼ିତା ଜଣକ ତାଙ୍କ ଶିଶୁକୁ ଧରି ଯୁବକ କହିଥିବା ସ୍ଥାନରେ ଯାଇ ପହଞ୍ଚିଥିଲେ । ଏହା ପରେ ମେହେତା ତାଙ୍କୁ ଗାଡ଼ିରେ ବସିବା ପାଇଁ କହିବା ସହ ଗାଡ଼ିରେ ଆଉ ଜଣେ ମଧ୍ୟ ଉପସ୍ଥିତ ଥିବା ଦେଖି ପୀଡ଼ିତା ତାଙ୍କ ସହ ଯିବା ପାଇଁ ମନା କରିଥିଲେ । ଏହା ଦେଖି ମେହେତା ସେ ମୋ ସାଙ୍ଗ । ତୁମେ ଡ଼ର ନାହିଁ ବୋଲି କହି ପୀଡ଼ିତାଙ୍କୁ ଗାଡ଼ିରେ ବସାଇଥିଲେ । କିଛି ବାଟ ଯିବା ପରେ ମୁଜାଫରନଗରଠାରେ ଦୁଇ ଅଭିଯୁକ୍ତ ପୀଡ଼ିତାଙ୍କୁ ନିଶା ମିଶାଇ କିଛି ପିଇବାକୁ ଦେଇଥିଲେ । କିଛି ସମୟ ପରେ ସେ ଅଚେତ ହୋଇଯିବାରୁ ତାଙ୍କ ଶିଶୁକୁ ଫିଙ୍ଗି ଦେବା ସହିତ ତାଙ୍କ ସହ ଦୁଷ୍କର୍ମ କରିଥିଲେ । ପୁଲିସ ପୀଡ଼ିତାଙ୍କ ଏତଲା ଗ୍ରହଣ କରିବା ସହ ଦୁଇ ଅଭିଯୁକ୍ତଙ୍କୁ ଖୋଜିବା ଆରମ୍ଭ କରିିଛି ।