ସ୍ୱାମୀ ହତ୍ୟା ଯୋଜନା କରୁଥିବା ଜାଣି ୧୦କିଲୋମିଟର ସାଇକେଲ ଚଳାଇ ବାପ ଘରେ ପହଞ୍ଚିଲେ ମହିଳା, ତା’ ପରେ….
ବୈଶାଲି(ବିହାର) : ବିହାରର ବୈଶାଲିରେ ଜଣେ ମହିଳା ନିଜ ଜୀବନକୁ ବଞ୍ଚାଇବାକୁ ଯାଇ ଯେଉଁ ପଦକ୍ଷେପ ନେଇଛନ୍ତି, ତାହା ଏବେ ଚର୍ଚ୍ଚାର ବିଷୟ ପାଲଟିଛି । ବୈଶାଲି ଜିଲ୍ଲାର ଭଗବାନପୁର ଥାନା ଅଞ୍ଚଳରେ ବିବାହ କରିଥିବା ପୁୁତୁଲ ନିଜ ସ୍ୱାମୀ ଏବଂ ଶାଶୁଘର ଲୋକମାନଙ୍କ ହତ୍ୟା ଷଡ଼ଯନ୍ତ୍ର ବିଷୟରେ ଜାଣି ପାରି ସମସ୍ତେ ଖାଉଥିବା ବେଳେ ଘରୁ ଲୁଚି ବାପ ଘରକୁ ଚାଲି ଆସିଥିଲେ ।
Sambad is now on WhatsApp
Join and get latest news updates delivered to you via WhatsApp
ଘର ବାହାରକୁ ଆସିବା ପରେ ତାଙ୍କୁ କୌଣସି ଗାଡ଼ି ନ ମିଳିବାରୁ ସେ ଘର ପାଖରେ ରଖା ଯାଇଥିବା ସାଇକେଲ ଚଳାଇ ୧୦କିଲୋମିଟର ଅତିକ୍ରମ କରିବା ସହ ନିଜ ବାପ ଘରେ ପହଞ୍ଚିଥିଲେ । ଏ ମଧ୍ୟରେ ପୁତୁଲଙ୍କ ସ୍ୱାମୀ ପ୍ରେମ୍ଙ୍କୁ ସବୁ ଜଣାପଡ଼ିବା ପରେ ସେ ବନ୍ଧୁକ ଧରି ତାଙ୍କ ପଛେ ପଛେ ପୁତୁଲଙ୍କ ବାପ ଘରେ ପହଞ୍ଚି ଯାଇଥିଲେ । ପ୍ରେମ୍ଙ୍କ ହାତରେ ବନ୍ଧୁକ ଦେଖି ପୁତୁଲଙ୍କ ଭାଇ ପ୍ରେମ୍କୁ ଅଟକାଇବା ପାଇଁ ଚେଷ୍ଟା କରିବା ମଧ୍ୟରେ ତାଙ୍କ ଦେହରେ ଗୁଳି ବାଜି ଯାଇଥିଲା । ଏହି ଘଟଣା ପରେ ପୁତୁଲଙ୍କ ଭାଇଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ତାଙ୍କର ଚିକିତ୍ସା ଜାରି ରହିଛି ।
ସୂଚନା ମୁତାବାକ, ପୁତୁଲ ଏବଂ ପ୍ରେମ୍ଙ୍କ ବିବାହ ୫ ବର୍ଷ ତଳେ ହୋଇଥିଲା । ବିବାହ ପରେ ପରେ ପ୍ରେମ୍ ଏବଂ ତାଙ୍କ ପରିବାର ପୁତୁଲଙ୍କ ଉପରେ ଯୌତୁକ ଆଣିବାର ଚାପ ପକାଇବା ଆରମ୍ଭ କରିଥିଲେ । କିନ୍ତୁ ପୁତୁଲ ଶାଶୁଘର ଲୋକଙ୍କ କଥା ନ ମାନିବାରୁ ସେମାନେ ମଙ୍ଗଳବାର ରାତିରେ ପୁତୁଲଙ୍କ ହତ୍ୟା କରିବାର ଯୋଜନା ତିଆରି କରିଥିଲେ, ଯାହା ବିଷୟରେ ସମୟ ଥାଉ ପୁତୁଲଙ୍କୁ ଜଣା ପଡ଼ି ଯାଇଥିଲା ।