କ୍ଷୀର ଦେବାକୁ ଆସିଥିବା ଯୁବତୀଙ୍କୁ କବାଟ କିଳି ଦୁଷ୍କର୍ମ କଲେ ଘରକୁ ଆସିଥିବା ଅତିଥି
ମିର୍ଜାପୁର : ଉତ୍ତରପ୍ରଦେଶର ମିର୍ଜାପୁର ଜିଲ୍ଲାରେ ଜଣେ କ୍ଷୀର ବିକ୍ରି କରୁଥିବା ଯୁବତୀ ହୋଇଛନ୍ତି ଦୁଷ୍କର୍ମର ଶିକାର । ପାଖ ଘରକୁ କ୍ଷୀର ଦେବା ପାଇଁ ଯାଇଥିବା ବେଳେ ଅଭିଯୁକ୍ତ ଜଣଙ୍କ ତାଙ୍କ ସହ କରିଥିଲେ ଦୁଷ୍କର୍ମ । ଏହି ଘଟଣା ଘଟିଛି ମିର୍ଜାପୁର ଜିଲ୍ଲାର କଛ୍ଓ୍ଵା ଥାନା ଅନ୍ତର୍ଗତ ଏକ ଗ୍ରାମରେ । ପୁଲିସକୁ ଏ ନେଇ ଏତଲା ଦିଆଯିବାପରେ ଦୁଷ୍କର୍ମ କରିବା ଅଭିଯୋଗରେ ପୁଲିସ ଅଭିଯୁକ୍ତଙ୍କୁ ଗିରଫ କରିବା ସହ ପୀଡ଼ିତାଙ୍କୁ ଡ଼ାକ୍ତରୀ ପରୀକ୍ଷା ପାଇଁ ପଠାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, କ୍ଷୀରର ବ୍ୟବସାୟ ଥିବାରୁ ୨୫ ବର୍ଷୀୟା ଯୁବତୀ ଜଣଙ୍କ ସଂନ୍ଧ୍ୟା ସମୟରେ ଗ୍ରାମରେ ଥିବା ଏକ ଘରକୁ କ୍ଷୀର ଦେବା ପାଇଁ ଯାଇଥିଲେ । ଘର ଲୋକ କେହି ନାହାନ୍ତି, ତୁମେ କ୍ଷୀର ନେଇ ରୋଷେଇ ଘରେ ରଖିଦିଅ ବୋଲି କିଛି ଦିନ ପୂର୍ବରୁ ସୁରତ୍ରୁ ଆସିଥିିବା ଘରର ଜଣେ ଅତିଥି ତାଙ୍କୁ କହିଥିଲେ । ଏହା ପରେ ପୀଡ଼ିତା ଜଣଙ୍କ ରୋଷେଇ ଘରକୁ କ୍ଷୀର ରଖିବାକୁ ଯାଇଥିବା ବେଳେ ଅଭିଯୁକ୍ତଘରର କବାଟ ଭିତରପଟୁ ବନ୍ଦ କରି ତାଙ୍କ ସହ ଦୁଷ୍କର୍ମ କରିଥିଲେ । ଦୁଷ୍କର୍ମର ଶିକାର ହୋଇଥିବା ପୀଡ଼ିତା ଜଣଙ୍କ ଘରକୁ ଫେରି ପରିବାର ଲୋକଙ୍କୁ ସମ୍ପୂର୍ଣ୍ଣ ଘଟଣା ବିଷୟରେ ଜଣାଇବା ପରେ ପରିବାର ଲୋକେ ଏ ନେଇ ପୁଲିସରେ ଏତଲା ଦେଇଥିଲେ ।
ପୀଡ଼ିତାଙ୍କ ବାପା କରିଥିବା ଅଭିଯୋଗ ଅନୁଯାୟୀ, “ମୋ ଝିଅର ମାନସିକ ଅବସ୍ଥା ଖରାପ ଥିବାରୁ ତାର ଶାଶୁ ଘର ଲୋକେ ତାକୁ ଛାଡ଼ି ଦେଇଥିଲେ । ସେହି ଦିନ ଠାରୁ ସେ ଆମ ପାଖରେ ରହି ଆମ କ୍ଷୀର ବିକ୍ରି ବ୍ୟବସାୟରେ ଆମକୁ ସାହାଯ୍ୟ କରୁଥିଲା। ଦିନେ ସଂନ୍ଧ୍ୟାରେ ସଞ୍ଜୟ ମିଶ୍ରଙ୍କ ଘରକୁ କ୍ଷୀର ଦେବାକୁ ଯାଇଥିବା ବେଳେ ସେ ଦୁଷ୍କର୍ମର ଶିକାର ହୋଇଥଲା” । ପୀଡ଼ିତାଙ୍କ ବାପାଙ୍କଠାରୁ ଅଭିଯୋଗ ଗ୍ରହଣ କରି ଅଭିଯୁକ୍ତକୁ ଗିରଫ କରିବା ସହ ଘଟଣା ଉପରେ ତଦନ୍ତ ଆରମ୍ଭ କରିଛି ପୁଲିସ ।