ଲଜ୍ଜା: ଚିକିତ୍ସା ପାଇଁ ଡାକ୍ତରଖାନାକୁ ଆସିଥିବା ମହିଳା ରୋଗୀଙ୍କୁ ଦୁଷ୍କର୍ମ କଲା ଓ୍ଵାର୍ଡବଏ, ଦର୍ଶକ ସାଜିଲା ହୋମଗାର୍ଡ଼
ହାଇଦ୍ରାବାଦ୍ : ହାଇଦ୍ରାବାଦ୍ରେ ପୁଣି ଏକ ଦୁଷ୍କର୍ମର ଖବର ସାମ୍ନାକୁ ଆସିଛି । ଜନୈକା ମହିଳା ଚିକିତ୍ସା ପାଇଁ ଡ଼ାକ୍ତରଖାନାକୁ ଆସିଥିବା ବେଳେ ଡାକ୍ତରଖାନାର ଓ୍ଵାର୍ଡ଼ବଏ ତାଙ୍କ ସହ ଦୁଷ୍କର୍ମ କରିଥିବା ଜଣା ପଡ଼ିଛି । ଏହି ସମୟରେ ଡ଼ାକ୍ତରଖାନାର ହୋମଗାର୍ଡ଼ ସେଠାରେ ଉପସ୍ଥିତ ଥିଲେ ମଧ୍ୟ ମହିଳାଙ୍କୁ ସାହାଯ୍ୟ କରିବା ପରିବର୍ତ୍ତେ ଘଟଣାର ନିରବ ଦର୍ଶକ ସାଜିଥିଲେ । ଏ ନେଇ ଅଭିଯୋଗ ହେବା ପରେ ପୁଲିସ ଅଭିଯୁକ୍ତ ଦୁଷ୍କର୍ମକାରୀ ଓ୍ଵାର୍ଡ଼ବଏ ଏବଂ ହୋମଗାର୍ଡ଼କୁ ଗିରଫ କରିଛି। ଅଭିଯୁକ୍ତ ଓ୍ଵାର୍ଡ଼ବଏ ପୁଲିସ୍ ନିକଟରେ ନିଜର ଦୋଷ ସ୍ୱୀକାର କରିଥିବା ଜଣା ପଡ଼ିଛି । ଏହି ଘଟଣାଟି ବୁଧବାର ଘଟିଥିବା ବେଳେ ଅଭିଯୋଗ ହେବା ପରେ ଏହା ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମହିଳା ଜଣଙ୍କ ସ୍ୱାମୀଙ୍କ ଦ୍ୱାରା ପ୍ରତାରିତ ହୋଇ ପୁଲିସରେ ଅଭିଯୋଗ କରିବା ପାଇଁ ଯାଇଥିଲେ। ପୁଲିସ ଷ୍ଟେସନ ଯିବା ପରେ ପୁଲିସ ମହିଳାଙ୍କୁ ଚିକିତ୍ସା ପାଇଁ ଉସ୍ମାନିଆ ଜେନେରାଲ ହସ୍ପିଟାଲକୁ ପଠାଇଥିଲା । ସେଠାକୁ ଯାଇ ମହିଳା ଜଣଙ୍କ ନିଜର ଚିକିତ୍ସା କରାଇବା ପରେ ତଳ ମହଲାରେ ଏକ ଚେୟାରରେ ବସିଥିଲେ । ଏହି ସମୟରେ ଓ୍ଵାର୍ଡ଼ବଏ ଆସି ତାଙ୍କୁ ଡ଼ାକ୍ତର ଡ଼ାକୁଛନ୍ତି କହି ଏକ ରୁମ୍କୁ ନେଇ ଯାଇଥଲେ । ଯେଉଁଠି ସେ ତାଙ୍କ ସହ ଦୁଷ୍କର୍ମ କରିଥିଲା। ଓ୍ଵାର୍ଡ଼ବଏଙ୍କ ଏଭଳି କାମ ହୋମଗାର୍ଡ଼ ଜଣଙ୍କ ଦେଖୁଥିଲେ ମଧ୍ୟ ସେ ଓ୍ଵାର୍ଡ଼ବଏଙ୍କୁ ରୋକିବାକୁ ଚେଷ୍ଟା କରି ନଥିଲେ ।