ନବରଙ୍ଗପୁର: ନବରଙ୍ଗପୁର ଜିଲ୍ଲାର ପାପଡାହାଣ୍ଡି ବ୍ଲକର ମାଝିଗୁଡ଼ା ପଞ୍ଚାୟତର ଖରଗାପଦର ଗ୍ରାମ ଜଙ୍ଗଲରେ ବିଷକ୍ରିୟା ହେତୁ ୧୦ଟି ଛେଳି ଓ ଗୋଟିଏ ଗୋରୁ ମୃତ୍ୟୁ ହୋଇଥିବା ନେଇ ସୋମବାର ଖବର ଆସିଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗ୍ରାମବାସୀ ନିଜନିଜ ଗୋରୁ ଛେଳିକୁ ଆଜି ଜଙ୍ଗଲକୁ ଚରିବା ପାଇଁ ଛାଡ଼ିଥିଲେ। ଦିନ ପ୍ରାୟ ୧୦ଟା ସମୟରେ ଗ୍ରାମବାସୀ ଗୋରୁ ଓ ଛେଳିକୁ ଦେଖିବା ପାଇଁ ଗଲା ବେଳକୁ ଗୋଟିଏ ପରେ ଗୋଟିଏ ଛେଳି ରାସ୍ତାରେ ମରି ପଡ଼ିଥିବାର ଦେଖିବାକୁ ପାଇଥିଲେ। ରିପୋର୍ଟ ଲେଖାହେଲା ପର୍ଯ୍ୟନ୍ତ ୧୦ଟି ଛେଳି ଓ ଗୋଟିଏ ଗୋରୁ ମୃତ୍ୟୁ ହୋଇଥିବା ଜଣାପଡ଼ିଥିଲା।
ମୃତ ୧୦ଟି ଛେଳି ମଧ୍ୟରୁ ୫ଟି ଛେଳି ମୁଟୁ ଜାନୀଙ୍କର ଥିବା ବେଳେ ୨ଟି ଛେଳି ବଲି ଜାନୀ ଓ ଗୋଟିଏ ଛେଳି କ୍ଷିରସିନ୍ଧୁ ଜାନୀ ଓ ୨ଟି ଛେଳି ଦାସୁ ଜାନୀଙ୍କର। ସେହିପରି ବିଷ କ୍ରିୟା ହେତୁ ଗୋଟିଏ ଗୋରୁର ମଧ୍ୟ ମୃତ୍ୟୁ ହୋଇଛି। ମୃତ ଛେଳି ପଡ଼ିଥିବା ସ୍ଥାନରେ କୀଟନାଶକ ଔଷଧ ହିଟାଟକ୍ସ ଓ ଟ୍ରିକାଲ ନାମକ ପଲିଥିନ୍ ପଡ଼ିଥିବାର ଦେଖିବାକୁ ମିଳିଥିଲା। ଦୁଇଟି କୀଟନାଶକ ଔଷଧ ପଲିଥିନ୍କୁ ଗ୍ରାମବାସୀ ଘଟଣାସ୍ଥଳରୁ ଠାବ କରିଛନ୍ତି। ଏହି ପଲିଥିନ୍ ପାଇବା ପରେ କେହି ଉଦ୍ଦେଶ୍ୟମୂଳକ ଭାବେ ଏହା କରିଛନ୍ତି ବୋଲି ଗ୍ରାମବାସୀ ଅଭିଯୋଗ କରିଛନ୍ତି। ମୃତ ଓ ଛେଳିଙ୍କ ବ୍ୟବଚ୍ଛେଦ ରିପୋର୍ଟ ଆସିଲେ ଯାଇ ପ୍ରକୃତ ଘଟଣା ସାମ୍ନାକୁ ଆସିବ।