କୋଲକାତାକୁ ଚାଲଣ ହେଉଥିବା ୭୦ଟି ଗୋରୁ ସହିତ ଏକ ଟ୍ରକକୁ ଜବତ, ଏଥିରୁ ୧୦ଟି ଗୋରୁ ମୃତ
ଚୌଦ୍ୱାର: ଗୁରୁବାର ଟାଙ୍ଗୀ ପୁଲିସ ବେଆଇନ ଭାବେ ଚାଲଣ ହେଉଥିବା ଏକ ଗୋରୁ ବୋଝେଇ ଟ୍ରକକୁ ଜବତ କରିଛି । ଏହି ଟ୍ରକ୍ରେ ୭୦ଟି ଗୋରୁ ଥିବା ସହିତ ଗୋରୁ ଗୁଡିକ ଖୋର୍ଦ୍ଧା ଜିଲ୍ଲା ବେଗୁନିଆରୁ କୋଲକାତା ଚାଲଣ ହେଉଥିବା ଜଣାପଡିଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଆଜି ସକାଳେ କଟକ ଜିଲ୍ଲା ୧୬ନମ୍ବର ଜାତୀୟ ରାଜପଥ ଦେଇ ଏକ ଗୋରୁ ବୋଝେଇ ଟ୍ରକ ନିଗୁଣ୍ଡୀ ଟୋଲ ଗେଟ୍ ପାର ହେଉଥିଲା। ଏହି ସମୟରେ ସନ୍ଦେହଜନକ ଭାବେ ପୁଲିସ ଟ୍ରକକୁ ଅଟକାଇ ଯାଞ୍ଚ କରିଥିଲା। ଯାଞ୍ଚ ସମୟରେ ଟ୍ରକ୍ରେ ୭୦ଟି ଗୋରୁ ଥିବା ପୁଲିସ ଦେଖିବାକୁ ପାଇଥିଲା। ଆଶ୍ଚର୍ଯ୍ୟର କଥା ସେଥିମଧ୍ୟରୁ ୧୦ଟି ଗୋରୁଙ୍କ ମୁତ୍ୟୁ ହୋଇଯାଇଥିବା ଜଣା ପଡ଼ିଥିଲା। ଏହାପରେ ପୁଲିସ ଟ୍ରକକୁ ଜବତ କରିବା ସହ ଏହି ଗାଡିକୁ ପାଇଲଟିଂ କରି ନେଉଥିବା ଏକ ସ୍କର୍ପିଓ ଗାଡିକୁ ମଧ୍ୟ ଜବତ କରିଛି। ଏହି ଘଟଣାପରେ ଗୋରୁ ବେପାରୀମାନେ ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ପୁଲିସ ଏମାନଙ୍କ ଧରିବା ପାଇଁ ଅନୁସନ୍ଧାନ ଚଳାଇଛି।