୨୦ ଲିଟର ମହୁଲି ଜବତ; ୩ ଗିରଫ
ପାଳଲହଡ଼ା: ଜିଲ୍ଲା ଅବକାରୀ ଅଧିକ୍ଷକ ହରିଶ୍ଚନ୍ଦ୍ର ସେଠୀଙ୍କ ନିର୍ଦେଶକ୍ରମେ ଆଜି ଅବକାରୀ ବିଭାଗ ଓ ପୁଲିସ ଖମାର ଥାନା ଅଞ୍ଚଳରେ ଚଢ଼ାଉ କରି ୨୦ ଲିଟର ମହୁଲି ମଦ ଜବତ କରିଛି। ବିଭାଗୀୟ ସୂତ୍ରରୁ ପ୍ରକାଶ, ତାମ୍ବୁର କଲୋନିର ହାଡ଼ିବନ୍ଧୁ କିଷାନଙ୍କଠାରୁ ୧୦ ଲିଟର, ଦ୍ୱିତୀକୃଷ୍ଣପୁରର କୃତାର୍ଥ କିଷାନ ଓ ଶଙ୍ଖମୁର ଗାଁର କୁଲ ବେହେରାଠାରୁ ୫ ଲିଟର ଲେଖାଏଁ ମହୁଲି ମଦ ଜବତ କରାଯାଇଛି। ଶଙ୍ଖମୁର ଗାଁ ନିକଟ ଏକ ଜମିରୁ ୨ ହଜାର କ୍ୱିଣ୍ଟାଲ ମହୁଲ ପୋଚ ନଷ୍ଟ କରାଯାଇଛି। ବେଆଇନ ମଦ କାରବାର ଅଭିଯୋଗରେ ହାଡ଼ିବନ୍ଧୁ, କୃତାର୍ଥ ଓ କୁଲଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ଅବକାରୀ ଏସ୍ଆଇ ଅରବିନ୍ଦ ରାଉତରାୟ, କର୍ମଚାରୀ ବିପିନ ସାହୁ, ମାନସ ପ୍ରଧାନ, ଶୁକୁରଲ ହେମ୍ବ୍ରମ,୍ ପୁଲିସ ଏଏସ୍ଆଇ ପ୍ରସନ୍ନ କୁମାର ବାର୍ଲା, ରଘୁନାଥ ପ୍ରଧାନ, ପଦ୍ମିନୀ ନାଏକ ପ୍ରମୁଖ ଚଢ଼ାଉ କରିଥିଲେ।