ଅନୁଗୁଳ: ଅନୁଗୁଳ ପାମ୍ପସରା ଅଞ୍ଚଳରୁ ସମ୍ବର ଶିକାର କରିଥିବା ଦୁଇ ଅଭିଯୁକ୍ତକୁ ପୁଲିସ ଗିରଫ କରିଛି। ଗିରଫ ଦୁଇ ସମ୍ବର ଶିକାରୀଙ୍କ ନାମ ଟୁଲୁ ଗଡ଼ନାୟକ (୨୫) ଓ ବିଭୀଷଣ ପ୍ରଧାନ (୩୫) ବୋଲି ଜଣାପଡ଼ିଛି। ଦୁଇ ଅଭିଯୁକ୍ତଙ୍କ ଘର ଅନୁଗୁଳ ଜିଲ୍ଲାର ପାମ୍ପସରାର ପୁରୁଣାକୋର୍ଟରେ ବୋଲି ପୁଲିସ ସୂତ୍ରରୁ ପ୍ରକାଶ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଅନୁଗୁଳ ବନ ବିଭାଗର ଅଧିକାରୀ ବିଶେଷ ସୂତ୍ରରୁ ସୂଚନା ପାଇଁ ଟୁଲୁ ଗଡ଼ନାୟକ ଓ ବିଭୀଷଣ ପ୍ରଧାନଙ୍କ ଉପରେ ଚଢ଼ାଉ କରିଥିଲେ। ଏହି ଚଢ଼ାଉ ସମୟରେ ଦୁଇଜଣଙ୍କ ଠାରୁ ମୃତ ସମ୍ବର ଜବତ ହୋଇଥିଲା। ଦୁହିଁଙ୍କୁ ଗିରଫ କରିବା ପାଇଁ କୋର୍ଟ ଚାଲଣ କରି ଦିଆଯାଇଛି। ଟୁଲୁ ଗଡ଼ନାୟକ ଓ ବିଭୀଷଣ ପ୍ରଧାନ ବ୍ୟତୀତ ଏମାନଙ୍କ ସହିତ ଏହି ଘଟଣାରେ ଆଉ କେହି ସମ୍ପୃକ୍ତ ଅଛନ୍ତି କି ନାହିଁ ସେ ନେଇ ଯାଞ୍ଚ ଆରମ୍ଭ ହୋଇଛି।